ବିଶ୍ୱ ଭିନ୍ନକ୍ଷମ ଦିବସ ପାଳନ - ରାଉରକେଲା ଖବର
ରାଉରକେଲା : ଆଜି ହେଉଛି ଅନ୍ତର୍ଜାତୀୟ ଭିନ୍ନକ୍ଷମ ଦିବସ । ସମଗ୍ର ଦେଶ ପାଳନ କରୁଛି ଅନ୍ତର୍ଜାତୀୟ ଭିନ୍ନକ୍ଷମ ଦିବସ । ପ୍ରତିବର୍ଷ ଡିସେମ୍ବର ୩କୁ ଦିବ୍ୟାଙ୍ଗ ଦିବସ ଭାବେ ପାଳନ କରାଯାଇଥାଏ । ଏହି କ୍ରମରେ ରାଉରକେଲା ସହରରେ ମଧ୍ୟ ଆଶାଦୀପ ଏବଂ RRRC ପକ୍ଷରୁ ଅନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳିତ ହୋଇଯାଇଛି । ଏହି ଅବସରେ ଏକ ରାଲି କରାଯାଇଥିଲା। ଛେଣ୍ଡ ଥାନା ନିକଟରୁ ଏହି ରାଲି ବାହାରି ସେକ୍ଟର ୯ ପର୍ଯ୍ୟନ୍ତ ଯାଇଥିଲା। ତେବେ ସମାଜର ମୁଖ୍ୟ ସ୍ରୋତରେ ଭିନ୍ନକ୍ଷମଙ୍କୁ ସାମିଲ କରିବା ପାଇଁ ଏହି ପଦକ୍ଷେପ । ଏହାର ମୁଖ୍ୟ ଉଦ୍ଦେଶ୍ୟ ହେଲା ଦିବ୍ୟାଙ୍ଗଙ୍କୁ ସଶକ୍ତ କରିବା, ସେମାନଙ୍କ ମୌଳିକ ଅଧିକାର ପାଇଁ ସଚେତନ କରିବା । ରାଉରକେଲା ସହରର ଏହି ଭିନ୍ନକ୍ଷମ ରାଲିରେ ରାଉରକେଲା ଅତିରିକ୍ତ ଜିଲ୍ଲାପାଳ ଶୁଭଙ୍କର ମହାପାତ୍ର ଯୋଗ ଦେଇଥିଲେ। ଇଟିଭି ଭାରତ, ରାଉରକେଲା
Last Updated : Feb 3, 2023, 8:34 PM IST