ନିଆଁରେ ପୋଡି ହୋଇ ମହିଳା ଗୁରୁତର - ଢେଙ୍କାନାଳ ମହିଳା ଗୁରୁତର
Published : Dec 21, 2023, 12:52 PM IST
ଢେଙ୍କାନାଳ:ସାରା ରାଜ୍ୟରେ ଶୀତ ଲହରୀ ଜାରି ରହିଛି l ଶୀତ ଦାଉରୁ ରକ୍ଷା ପାଇବା ପାଇଁ ନିଆଁ ଜାଳି ଲୋକେ ନିଆଁ ପୋଇଁ ହୋଇଥାନ୍ତି । ତେବେ ଢେଙ୍କାନାଳ ଜିଲ୍ଲାରେ ଏହି ନିଆଁ ପୋଇବା ସମୟରେ ଟିକିଏ ଅସାବଧାନତା ଯୋଗୁଁ ପୋଡ଼ି ହୋଇ ଜଣେ ମହିଳା ଗୁରୁତର ହୋଇଛନ୍ତି । ଗୁରୁତର ମହିଳା ଜଣେକ ହେଲେ ମହାବିରୋଡ ଥାନା ଚାଉଳିଆଝରଣ ଗ୍ରାମର ଗୌରୀ ସୋରେନ । ଆଜି ଭୋର ସମୟରେ ଗୌରୀ ଶୀତ ଦାଉରୁ ରକ୍ଷା ପାଇବା ପାଇଁ ଘର ସମ୍ମୁଖରେ ନିଆଁ ପୋଇଁ ହେଉଥିଲେ । ଅସାବଧାନତା ଯୋଗୁଁ ତାଙ୍କ ପିନ୍ଧା ଲୁଗାରେ ନିଆଁ ଲାଗି ଯାଇଥିଲା । ଘଟଣାସ୍ଥଳରେ ପରିବାର ଲୋକେ ତାଙ୍କୁ ଉଦ୍ଧାର କରି କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛନ୍ତି । ତାଙ୍କ ଶରୀରର ୫୦ ପ୍ରତିଶତ ଭାଗ ପୋଡ଼ି ଯାଇଥିବା ଜଣା ପଡିଛି । ତେବେ ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି ।
ଏହା ମଧ୍ୟ ପଢନ୍ତୁ- ନିଆଁରେ ପୋଡ଼ି ହୋଇ ଯୁବତୀଙ୍କ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
ଇଟିଭି ଭାରତ, ଢେଙ୍କାନାଳ