ମହୀଶୂରର ପ୍ରସିଦ୍ଧ ହୋଟେଲରେ ଦୋସା ତିଆରି କଲେ ପ୍ରିୟଙ୍କା, ପାଖରେ ଥିବା ଲୋକ ଏପରି କହିଲେ

ବେଙ୍ଗାଲୁରୁ: ନିର୍ବାଚନ ପ୍ରଚାର ପାଇଁ କର୍ଣ୍ଣାଟକ ଗସ୍ତରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । କଂଗ୍ରେସ ପାଇଁ କର୍ଣ୍ଣାଟକର ଷ୍ଟାର୍‌ ପ୍ରଚାରକ ଭାବେ ଯୋଗ ଦେଇଥିବା ପ୍ରିୟଙ୍କା ଗାନ୍ଧୀ ଭଦ୍ରା ମହୀଶୂରର ପ୍ରସିଦ୍ଧ ମାୟଲାରୀ ହୋଟେଲକୁ ଗସ୍ତ କରିଥିଲେ । ହଠାତ ତାଙ୍କର ଦୋସା ତିଆରି କରିବାକୁ ଇଚ୍ଛାହେଲା । ହୋଟେଲର ରୋଷେଇ ଶାଳାକୁ ପଶି ଦୋସା ତିଆରି କରିଥିଲେ । ପ୍ରିୟଙ୍କା ପ୍ରଥମେ ଦୋସାର ଆଣ ଉଠାଇ ବିସ୍ତାର କରିଥିଲେ । ଏହାକୁ ଲେଉଟାଇଥିଲେ ମଧ୍ୟ  । ଦୋସା ତିଆରି କରି ସେ ଖୁସିଥିବା ନଜର ଆସିଥିଲେ । ଏହାପରେ ହୋଟେଲରେ ଇଡଲି ଓ ଦୋସାର ମଜା ଉଠାଇଲେ । ସେଠାରେ ଉପସ୍ଥିତ ଗ୍ରାହକଙ୍କ ସହ କଥା ହେଲେ ପ୍ରିୟଙ୍କା । ଏହାର ଭିଡ଼ିଓ ସେ ନିଜ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି, "ମହୀଶୂରର ପ୍ରସିଦ୍ଧ ମାୟଲାରୀ ହୋଟେଲରେ ଦୋସା ତିଆରି କରି ଖୁସି ଅନୁଭବ କଲି । ହୋଟେଲ ମାଲିକଙ୍କ ଉତ୍ତମ ଆଥିତ୍ୟ ପାଇଁ ଧନ୍ୟବାଦ ଜଣାଉଛି । ଏଠାକାର ଦୋସା ବହୁତ ସ୍ବାଦିଷ୍ଟ ଥିଲା ।"