କାର-ଟିପର ମୁହାଁମୁହିଁ ଧକ୍କା, ନିଆଁରେ ପୋଡି ହୋଇ 2 ଜୀବନ୍ତ ଦଗ୍ଧ

ବେଙ୍ଗାଲୁରୁ:କର୍ଣ୍ଣାଟକରେ ଭୟଙ୍କର ସଡ଼କ ଦୁର୍ଘଟଣା । ଦୁର୍ଘଟଣା ପରେ କାରରେ ନିଆଁ ଲାଗିବାରୁ ଦୁଇ ଜଣ ଜୀବନ୍ତ ଦଗ୍ଧ ।  ବିବାହରେ ଯୋଗ ଦେଇ ଫେରିବା ବେଳେ କାର ସହ ଟିପ୍ପର ମୁହାଁମୁହିଁ ଧକ୍କା ହୋଇଥିଲା । ଏଭଳି ଘଟଣା ଘଟିଛି ବେଲାଗାଭି ତାଲୁକର ଦେବଗିରି-ବମ୍ବାରାଗା କ୍ରସ ନିକଟରେ । ଦୁଇ ମୃତକ ହେଉଛନ୍ତି ବେଲଗାଓଁକର ଗାଁର ମୋହନ ମାରୁତି ଏବଂ ମାଛେ ଗାଁର 12 ବର୍ଷିୟ ସମିକଶା  ଦାୟେକର । ଗତରାତିରେ ସମ୍ପର୍କୀୟଙ୍କ ବିବାହରେ ଯୋଗ ଦେଇ ବାମ୍ବରାଗା ଗାଁକୁ ଫେରୁଥିବା ବେଳେ କାରଟି ଓ ଟ୍ରକ ସହ ଧକ୍କା ହୋଇଥିଲା । ଦୁର୍ଘଟଣା ପରେ ଟିପରର ଡିଜେଲ ଟ୍ୟାଙ୍କରେ ନିଆଁ ଲାଗିଯାଇ କାରକୁ ବ୍ୟାପି ଯାଇଥିଲା । ଫଳରେ କାରରେ ଥିବା 4 ଜଣଙ୍କ ମଧ୍ୟରୁ ଦୁଇ ଜଣ ଜୀବନ୍ତ ଦଗ୍ଧ ହୋଇଯାଇଥିଲେ ଓ 2 ଜଣ ଗୁରୁତର ଆହତ ହୋଇଥିଲେ। ସଙ୍ଗେ ସଙ୍ଗେ ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ସେଠାରେ ଦୁଇ ଜଣଙ୍କୁ ମୃତକ ଘୋଷଣା କରିଥିଲେ ।

ଏହା ମଧ୍ୟ ପଢନ୍ତୁ-ପରସ୍ପରକୁ ଧକ୍କା ଦେଇ ଜଳିଗଲା 3 ଟ୍ରକ, 3 ଡ୍ରାଇଭର ଜୀବନ୍ତ ଦଗ୍ଧ