ଓଲଟିଲା ଟମାଟୋ ବୋଝଇ ଟ୍ରକ, ବସ୍ତା ବସ୍ତା ବୋହିନେଲେ ଲୋକେ - ଜମନକିରା ରାସ୍ତାରେ ଟମାଟୋ

ସମ୍ବଲପୁର:ଜିଲ୍ଲା ଜମନକିରା ଅଞ୍ଚଳରେ ଓଲଟିଲା ଟମାଟୋ ବୋଝେଇ ଟ୍ରକ । ମଉକା ଦେଖି ଟମାଟୋ ବୋହିନେଲେ ଅଞ୍ଚଳବାସୀ ।  ସମ୍ବଲପୁରର ଜମେନକିରା ଅଞ୍ଚଳରେ ଆଜି ଏହିଭଳି ଦୃଶ୍ୟ ଦେଖିବାକୁ ମିଳିଛି । ମଣିଷ ଯେତେବେଳେ ଲୋଭର ବଶବର୍ତ୍ତୀ ହେଲେ କେଉଁ ପରିସ୍ଥିତିରେ କଣ କରିବା ଉଚିତ ତାହା ଭୁଲିଯାଏ  । ଏଭଳି ଚିତ୍ର ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ଜମେନକିରା ବ୍ଲକ ଆମଲାଙ୍ଗ ଅଞ୍ଚଳରେ ।  ଏକ ଟମାଟୋର ବୋଝଇ ଟ୍ରକ ଆଜି (ଗୁରୁବାର) ସମ୍ବଲପୁର ପଟୁ କୋଲକାତା ଆଡକୁ ଯାଉଥିବା ବେଳେ ଜମେନକିରା ବ୍ଲକର ଆମ୍ବଲାଙ୍ଗ ଗାଁର ପିଠାମରେନଠାରେ ଥିବା ବୁଲାଣିରେ ଟ୍ରକଟି ଭାରସାମ୍ୟ ହରାଇ ଓଲଟି ଯାଇଥିଲା ।  

ଏହା ବି ପଢନ୍ତୁ- ଆକାଶ ଛୁଆଁ ପରିବା ଦର ବେଳେ ଓଲଟିଲା ଗାଡି, ଯିଏ ପାରିଲା ବୋହିନେଲା

ଏହିଭଳି ପରିସ୍ଥିତିରେ ଦୁର୍ଘଟଣାଗ୍ରସ୍ତ ଟ୍ରକ ଡ୍ରାଇଭର ଓ ହେଲପରକୁ ଉଦ୍ଧାର ନକରି ଓଲଟିପଡିଥିବା ଟ୍ରକରୁ ବସ୍ତା ବସ୍ତା ଟମାଟୋକୁ ସ୍ଥାନୀୟ ଲୋକେ ଚୋରି କରି ନେଇଥିଲେ ।  ଏହି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭଲ ଭାବରେ ଦେଖନ୍ତୁ ଏହି ଭିଜୁଆଲ କିଭଳି ସମସ୍ତେ ଟମାଟୋ ଗୋଟେଇବାରେ ବ୍ୟସ୍ତ ।  ମାତ୍ର ଡ୍ରାଇଭର ଓ ହେଲପର୍‌ ଆହତ ହୋଇଥିଲେ ସୁଦ୍ଧା କେହି ଆସିନଥିଲେ ।  ପରେ କିଛି ଅଞ୍ଚଳବାସୀ ଆହତଙ୍କୁ ମେଡିକାଲରେ ଭର୍ତ୍ତି କରିଥିଲେ ।  

ଇଟିଭି ଭାରତ, ସମ୍ବଲପୁର