ପାର୍କିଂରେ ଜଳିଗଲା ଗାଡି, କୋଲାବ ଜଳଭଣ୍ଡାରରୁ ମିଳିଲା ମୃତଦେହ - କୋରାପୁଟରେ କାର ଜଳିଗଲା

Vehicles caught fire: କୋରାପୁଟ: ଜଳିଗଲା ତିନୋଟି ଗାଡ଼ି । କୋରାପୁଟ ସହରର ସ୍ୱତନ୍ତ୍ର ସର୍କିଟ ହାଉସ ନିକଟସ୍ଥ ଆଲିଶାନ ହୋଟେଲର ପଛ ପଟ ପାର୍କିଂରେ ଅଗ୍ନିକାଣ୍ଡ ଘଟିଛି । ପାର୍କିଂ କରାଯାଇଥିବା ତିନୋଟି ଗାଡି ଜଳିଯାଇଛି । ତେବେ ଏକ ଓମିନି ଭ୍ୟାନ ଏହି ଦୁର୍ଘଟଣାରେ ସମ୍ପୂର୍ଣ୍ଣ ରୂପେ ଜଳିଯାଇଥିବା ବେଳେ ତା ପାଖରେ ପାର୍କିଂ କରାଯାଇଥିବା ଅନ୍ୟ ଦୁଇଟି କାରର ବହୁ ଅଂଶ ଜଳିଯାଇଥିବା ଅଗ୍ନିଶମ ବିଭାଗ ଅଧିକାରୀ କହିଛନ୍ତି । 

ଏହା ମଧ୍ୟ ପଢ଼ନ୍ତୁ....ଘରୋଇ ହସ୍ପିଟାଲ ବିସ୍ଫୋରଣ ଘଟଣା, ଲାଇସେନ୍ସ ରଦ୍ଦ ଦାବି କଲା ବିଜେପି

ଆଜି ପାହାନ୍ତିଆ ସାଢ଼େ ତିନିଟା ବେଳେ ଖବର ପାଇ ଅଗ୍ନିଶମ ବିଭାଗର ଅଗ୍ନି ନିର୍ବାପକ ଦଳ ପହଞ୍ଚିଥିଲେ । ସେତେବେଳକୁ ଓମିନି ଭ୍ୟାନଟି ସମ୍ପୂର୍ଣ୍ଣ ଜଳିଯାଇଥିବା ବେଳେ ଅନ୍ୟ ଦୁଇଟି ଗାଡ଼ିରେ ଆଂଶିକ ଭାବେ ନିଆଁ ଲାଗିଥିଲା । ତେବେ ଏହି ଅଗ୍ନି ସଂଯୋଗର କାରଣ ସ୍ପଷ୍ଟ ହୋଇନଥିଲେ ମଧ୍ୟ ଏହା କୌଣସି ଗାଡି ମଧ୍ୟରେ ହୋଇଥିବା ସଟ ସର୍କିଟ ଜନିତ ଦୁର୍ଘଟଣା ହୋଇଥାଇପାରେ ବୋଲି ଆଶଙ୍କା କରାଯାଉଛି । ସେହିପରି ଅନ୍ୟ ଏକ ଦୁର୍ଘଟଣାରେ କୋରାପୁଟ ବ୍ଲକର ଉମୁରି ନିକଟସ୍ଥ କୋଲାବ ଜଳଭଣ୍ଡାର ମଧ୍ୟରୁ ଜଣେ ସ୍ଥାନୀୟ ଗ୍ରାମବାସୀଙ୍କ ମୃତଦେହକୁ ଅଗ୍ନିଶମ ବିଭାଗ ଉଦ୍ଧାର କରିଛନ୍ତି ।

ଇଟିଭି ଭାରତ, କୋରାପୁଟ