ଦକ୍ଷିଣ ଆଫ୍ରିକାରେ ଭାରତ, 10ରୁ ଟି-20 ସିରିଜ - ଭାରତ ବନାମ ଦକ୍ଷିଣ ଆଫ୍ରିକା ଟିଟ୍ବେଣ୍ଟି ସିରିଜ

ନୂଆଦିଲ୍ଲୀ:ଆସନ୍ତା 10 ତାରିଖରୁ ଦକ୍ଷିଣ ଆଫ୍ରିକା ବିପକ୍ଷରେ ଟି-ଟ୍ବେଣ୍ଟି ସିରିଜ ଖେଳିବ ଭାରତ । ଏ ନେଇ ଭାରତୀୟ କ୍ରିକେଟ ଦଳ ଦକ୍ଷିଣ ଆଫ୍ରିକାରେ ପହଞ୍ଚି ସାରିଛି । ଟି-ଟ୍ବେଣ୍ଟି ସ୍ପେସାଲିଷ୍ଟ ସୂର୍ଯ୍ୟକୁମାର ଯାଦବଙ୍କ ନେତୃତ୍ବାଧୀନ ଟିମ୍‌ ଇଣ୍ଡିଆ ଦକ୍ଷିଣ ଆଫ୍ରିକା ବିମାନ ବନ୍ଦରରରେ ପହଞ୍ଚିବା ପରେ ସେଠାରୁ ଏକ ସ୍ବତନ୍ତ୍ର ବସରେ ହୋଟେଲରେ ପହଞ୍ଚିଥିଲା । ଦଳର ଖେଳାଳି, କୋଚ୍‌ ରାହୁଲ ଦ୍ରାବିଡ ଓ କୋଚିଂ ଷ୍ଟାଫ୍‌ ଟି-20 ଫାଇଟ୍‌ ପାଇଁ ପହଞ୍ଚି ସାରିଛନ୍ତି । 10 ତାରିଖରେ ଡର୍ବାନରେ ପ୍ରଥମ ଟି-ଟ୍ବେଣ୍ଟି, 12ରେ ଦ୍ବିତୀୟ ଓ 14ରେ ତୃତୀୟ ଟି-ଟ୍ବେଣ୍ଟି ମ୍ୟାଚ୍‌ ଖେଳାଯିବ । ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ 16 ଜଣିଆ ଭାରତୀୟ ଦଳ ପ୍ରସ୍ତୁତ ହୋଇଛି । ଅଷ୍ଟ୍ରେଲିଆ ବିପକ୍ଷରେ ଘରୋଇ ମୈଦାନରେ ଟି-ଟ୍ବେଣ୍ଟି ସିରିଜ ଜିତିବା ପରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବାକୁ ପହଞ୍ଚି ସାରିଛି ଭାରତ । ଟି-ଟ୍ବେଣ୍ଟି ପରେ 17 ତାରିଖରୁ ଦିନିକିଆ ସିରିଜ ଆରମ୍ଭ ହେବ । ଏହାପରେ ରୋହିତ ଶର୍ମାଙ୍କ ନେତୃତ୍ବରେ 2ଟି ଟେଷ୍ଟ ମ୍ୟାଚ୍‌ ଖେଳିବ ଭାରତ ।