ସ୍ଵାଭିମାନୀ ଓଡ଼ିଆ ଓମେନ୍ସ ୱାର୍ଲ୍ଡର ବନ୍ଧୁ ମିଳନ କାର୍ଯ୍ୟକ୍ରମ, ଝୁମିଲେ ସମସ୍ତ ସଦସ୍ୟ - ସ୍ଵାଭିମାନୀ ଓଡ଼ିଆ ଓମେନ୍ସ ୱାଲ୍ଡ
ହାଇଦ୍ରାବାଦ:ସ୍ଵାଭିମାନୀ ଓଡ଼ିଆ ଓମେନ୍ସ ୱାର୍ଲ୍ଡ ତରଫରୁ ହାଇଦ୍ରାବାଦର ହୋଟେଲ ଆଦିତ୍ୟ ପାର୍କ ଠାରେ ରବିବାର ଦିନ ବନ୍ଧୁ ମିଳନ କାର୍ଯ୍ୟକ୍ରମ ଆୟୋଜନ ହୋଇଯାଇଛି । ଏହି କାର୍ଯ୍ୟକ୍ରମରେ ୨୦୦ରୁ ଉର୍ଦ୍ଧ୍ୱ ପରିବାରବର୍ଗଙ୍କୁ ଏକତ୍ର କରି ଭୋଜନ, ଖେଳ, ନୃତ୍ୟ ଓ ଏକ ଅଭିନବ ଉପାୟରେ ଢଗ ପ୍ରତିଯୋଗିତାର ଆୟୋଜନ କରାଯାଇଥିଲା । ତେବେ ସ୍ବାଭିମାନୀ ଓଡ଼ିଆ ଓମେନ୍ସ ୱାଲ୍ଡର ସଦସ୍ୟମାନେ ବହୁ ହର୍ଷ ଉଲ୍ଲାସରେ ଏହାକୁ ପାଳନ କରିଛନ୍ତି । 17 ମାର୍ଚ୍ଚ 2023ରେ ସୃଷ୍ଟି ହୋଇଥିବା ସ୍ୱାଭିମାନୀ ଓଡିଆ ଓମେନ୍ସ ୱାଲ୍ଡରେ ବର୍ତ୍ତମାନ ପାଖାପାଖି 8 ହଜାରରୁ ଊର୍ଦ୍ଧ୍ୱ ସଦସ୍ୟ ଅଛନ୍ତି । ଏମାନଙ୍କର 14ଟି ହ୍ୱାଟ୍ସ ଆପ୍ ଗ୍ରୁପ୍, ଫେସବୁକ୍ ଗ୍ରୁପ୍, ଭୁବନେଶ୍ୱର, କଟକ, ରାଉରକେଲା, ବ୍ରହ୍ମପୁର, ପୁଣେ, ଦିଲ୍ଲୀ, ହାଇଦ୍ରାବାଦ, ମୁମ୍ବାଇ, ଚେନ୍ନାଇ ଏବଂ କୋଲକାତାରେ ସକ୍ରିୟ ରହିଛି । ସ୍ଵାଭିମାନୀ ଓଡ଼ିଆ ଓମେନ୍ସ ୱାର୍ଲ୍ଡର ସଦସ୍ୟ କ୍ରମାଗତ ଭାବରେ ଓଡିଆ ସଂସ୍କୃତିର ଅସ୍ମିତା ବଜାୟ ରଖିବା ପୂର୍ବକ, ଓଡ଼ିଆ ପରମ୍ପରା, ଖାଦ୍ୟ, ପ୍ରତିଭା ପ୍ରଦର୍ଶନ, ଘରୋଇ ଉଦ୍ୟୋଗୀଙ୍କୁ ସୁଯୋଗ ଦେବା, ଅନ୍ତର୍ନିହିତ ଭାବନାକୁ ସ୍ୱର ଦେବା, ଅସହାୟ ଲୋକଙ୍କୁ ସମସ୍ତ ପ୍ରକାରର ସାହାଯ୍ୟ ବିସ୍ତାର କରିବା ଏବଂ କିଛି ହାଲୁକା ମୁହୂର୍ତ୍ତ ବାଣ୍ଟିବା ଦିଗରେ କାର୍ଯ୍ୟ କରିବା ସହ ସଚେତନତା ସୃଷ୍ଟି କରି ଆସୁଛନ୍ତି ।