ଇନ୍ଦୋରରୁ ପୁରୀ ସାଇକେଲ ଯାତ୍ରା, ଲୋକଙ୍କୁ ସଚେତନ କରିବାକୁ ସୁରେଶଙ୍କ ଭିନ୍ନ ପ୍ରୟାସ
Published : Oct 30, 2023, 1:24 PM IST
ବୌଦ୍ଧ:ମଧ୍ୟପ୍ରଦେଶର ଇନ୍ଦୋର ଅଞ୍ଚଳର ସୁରେଶ ଚୌହାନଙ୍କ ନିଆରା ପ୍ରୟାସ । ବିଶ୍ବରେ ଯୁଦ୍ଧର ଭୟବହତା, କନ୍ୟା ସନ୍ତାନ ସୁରକ୍ଷା ଓ ପରିବେଶ ସୁରକ୍ଷା ଭଳି ବାର୍ତ୍ତା ନେଇ ସାଇକେଲରେ ଯାତ୍ରା କରି ଲୋକଙ୍କୁ ସଚେତନ କରାଉଛନ୍ତି ସୁରେଶ ଚୌହାନ । ଏହି ସଚେତନତା ବାର୍ତ୍ତା ନେଇ ସାଇକେଲ ଯୋଗେ ମଧ୍ୟପ୍ରଦେଶରୁ ଓଡିଶାରେ ପହଞ୍ଚିଛନ୍ତି ସୁରେଶ । ପୁରୀରେ ଜଗତର ନାଥ ଶ୍ରୀଜଗନ୍ନାଥଙ୍କ ଦର୍ଶନ କରି ଯୁଦ୍ଧ ବନ୍ଦ ପ୍ରାର୍ଥନା କରିବା ଲାଗି ସେ ଓଡ଼ିଶା ଆସିଥିବା କହିଛନ୍ତି ।
ତେବେ ଦୀର୍ଘ 20 ବର୍ଷ ହେଲା ଲୋକମାନଙ୍କୁ ସଚେତନ କରିବା ଉଦ୍ଦେଶ୍ୟରେ ସାଇକେଲରେ ରାଜ୍ୟରୁ ରାଜ୍ୟ ବୁଲି ବାର୍ତ୍ତା ପହଞ୍ଚାଉଛନ୍ତି । ଚଳିତ ବର୍ଷ ସୁରେଶ ଏକ ମହତ ଉଦ୍ଦେଶ୍ୟ ରଖି ଏହି ସାଇକେଲ ଯାତ୍ରାରେ ଶ୍ରୀକ୍ଷେତ୍ର ଅଭିମୁଖେ ବାହାରିଛନ୍ତି । ତେବେ ସେ ବୌଦ୍ଧରେ ପହଞ୍ଚିଥିବା ବେଳେ ନିଜ ସାଇକେଲ ଯାତ୍ରାକୁ ନେଇ ଈଟିଭି ଭାରତକୁ ପ୍ରତିକ୍ରିୟା ପ୍ରଦାନ କରିଛନ୍ତି ।
ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା ଇନ୍ଦୋରଠାରୁ ଶ୍ରୀକ୍ଷେତ୍ର ପର୍ଯ୍ୟନ୍ତ ଲମ୍ବିଥିବା ପୁରୁଣା ଜଗନ୍ନାଥ ସଡ଼କ ବା ତୀର୍ଥଯାତ୍ରୀ ସଡକଟି ସପ୍ତଦଶ ଶତାବ୍ଦୀରେ ଇନ୍ଦୋରର ମହାରାଣୀ ଅହଲ୍ୟା ବାଇ ହୋଲକରଙ୍କ ଦ୍ବାରା ନିର୍ମାଣ ହୋଇଥିବା ଇତିହାସରୁ ସୂଚନା ମିଳେ । କାରଣ ମହାରାଣୀ ଅହଲ୍ୟା ବାଇ ପରମ ଶ୍ରୀଜଗନ୍ନାଥ ଭକ୍ତ ଥିଲେ । ମଧ୍ୟ ପ୍ରଦେଶରୁ ଓଡ଼ିଶାର ବଲାଙ୍ଗୀର, ସୋନପୁର, ବୌଦ୍ଧ, ନୟାଗଡ଼, ପୁରୀ ରାଜ୍ୟ ଦେଇ ଏହି ପ୍ରାଚୀନ ଜଗନ୍ନାଥ ସଡ଼କର ନିର୍ମାଣ ହୋଇଥିଲା । ଆଜି ମଧ୍ୟ ବୌଦ୍ଧ ଜିଲ୍ଲାର ମନମୁଣ୍ଡାଠାରୁ ବୌଦ୍ଧ ସହର ଦେଇ ଧଳପୁର, ହରଭଙ୍ଗା,ମାରଡା ପର୍ଯ୍ୟନ୍ତ ରାସ୍ତାକୁ ପୁରୁଣା ଜଗନ୍ନାଥ ସଡ଼କ କୁହାଯାଇଥାଏ ।
ଇଟିଭି ଭାରତ, ବୌଦ୍ଧ