ବାଲୁକାକଳାରେ ହୀରାବେନ ମୋଦିଙ୍କୁ ଶ୍ରଦ୍ଧାଞ୍ଜଳି
Published : Dec 31, 2023, 6:40 AM IST
Hiraben Modi's Death Anniversary: ପୁରୀ:ବାଲୁକା ଚିତ୍ରକଳାରେ ହୀରାବେନ ମୋଦିଙ୍କୁ ଶ୍ରଦ୍ଧାଞ୍ଜଳି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଆ ହୀରାବେନ ମୋଦିଙ୍କ ପ୍ରଥମ ପୁଣ୍ୟ ତିଥି ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ବିଶିଷ୍ଟ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିରେ ହୀରାବେନ ମୋଦିଙ୍କ ଏକ ପ୍ରତିକୃତିକୁ ବାଲୁକା ଚିତ୍ରକଳାରେ ସେ ଗଢି ତୋଳିଛନ୍ତି ।
ଏହା ମଧ୍ୟ ପଢନ୍ତୁ...ଚନ୍ଦ୍ରଭାଗା ବେଳାଭୂମିରେ ବାଲୁକା କଳା ପ୍ରଦର୍ଶନୀ
ଏହା ମଧ୍ୟ ପଢନ୍ତୁ...Sand Park: ପୁରୀରେ ଉଦଘାଟନ ହେଲା ବାଲୁକା ଶିଳ୍ପୀ ମାନସଙ୍କ ବାଲୁକା ପାର୍କ
ନିଆରା ଢଙ୍ଗରେ ହୀରାବେନଙ୍କୁ ଗଭୀର ଶ୍ରଦ୍ଧାଞ୍ଜଳି ଦେଇଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଏହି ବାଲୁକା ଚିତ୍ରକଳାଟି 5 ଫୁଟ ଉଚ୍ଚତା ବିଶିଷ୍ଟ ହୋଇଥିବାବେଳେ ଏଥିରେ 3 ଟନ ବାଲି ବ୍ୟବହାର ହୋଇଛି । ଗତ 2022 ଡିସେମ୍ବର 30 ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଆ ହୀରାବେନଙ୍କ ଦେହାନ୍ତ ହୋଇଥିଲା । ତେବେ ହୀରାବେନଙ୍କ ପ୍ରଥମ ପୁଣ୍ୟତିଥି ଅବସରରେ ବହୁ ବିଶିଷ୍ଟ ବ୍ୟକ୍ତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଇଟିଭି ଭାରତ, ପୁରୀ