ବାଲୁକା ଚିତ୍ରକଳାରେ 'ସ୍ବଚ୍ଛତା ହିଁ ସେବା' ଅଭିଯାନରେ ସାମିଲ ହେବାକୁ ଆହ୍ଵାନ

ପୁରୀ: ଆଜି ସାରା ଦେଶ ପାଳୁଛି ସ୍ବଚ୍ଛତା ହିଁ ସେବା ଅଭିଯାନ । ସ୍ୱଚ୍ଛ ଭାରତ ଅଭିଯାନର ୯ ବର୍ଷ ପୂର୍ତ୍ତି ଅବସରରେ ପାଳନ ହେଉଛି ସ୍ବଚ୍ଛତା ହିଁ ସେବା କାର୍ଯ୍ୟକ୍ରମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ, ସ୍ବଚ୍ଛତା ପାଇଁ ଆଜି ଦିନ ୧୦ଟାରୁ ୧୧ଟା ଯାଏଁ ୧ ଘଣ୍ଟା ସାମୁହିକ ଶ୍ରମଦାନ କରିବେ ସାଧାରଣ ଜନତା । ନିଜ ନିଜ ଅଞ୍ଚଳରେ ଥିବା ରାସ୍ତାଘାଟ, ପାର୍କ ଓ ଅନ୍ୟାନ୍ୟ ସ୍ଥାନରେ ସ୍ବଚ୍ଛତା ରକ୍ଷା ପାଇଁ ଘଣ୍ଟାଏ ଶ୍ରମଦାନ କରିବାକୁ ଦେଶବାସୀଙ୍କୁ ଗତ ମନ୍ କୀ ବାତ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଅପିଲ୍ କରିଥିଲେ । ତେବେ ଏହି ସ୍ବଚ୍ଛତା କାର୍ଯ୍ୟକ୍ରମକୁ ନେଇ ବାଲୁକା ଚିତ୍ରକଳାରେ ସଚେତନ କରିଛନ୍ତି ଅନ୍ତର୍ଜାତୀୟ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିରେ ସେ ୭ ଫୁଟ୍ ଉଚ୍ଚର ଏକ ଆକର୍ଷୀଣୟ ବାଲୁକା ଚିତ୍ରକଳା ନିର୍ମାଣ କରିଛନ୍ତି । ଯେଉଁଥିର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାତରେ ଝାଡ଼ୁ ଧରି ସଫା କରୁଥିବା ଚିତ୍ରକୁ ସ୍ଥାନ ଦିଆଯାଇଛି ଏବଂ ବାଲିରେ ୧୦୦ଟି ଡଷ୍ଟବିନ୍‌ ନିର୍ମାଣ କରିଛନ୍ତି ସୁଦର୍ଶନ ।

ଏହାମଧ୍ୟ ପଢନ୍ତୁ: ଦିଲ୍ଲୀ ମେଟ୍ରୋରେ ଜବାନ ଫିଲ୍ମ ଲୁକରେ ଯୁବତୀଙ୍କ ଡାନ୍ସ, ଭିଡ଼ିଓ ଭାଇରାଲ

ଇଟିଭି ଭାରତ, ପୁରୀ