ରାଜ୍ୟସ୍ତରୀୟ ଟାଏକୋଣ୍ଡ ପ୍ରତିଯୋଗିତା ଉଦଘାଟିତ, ଭାଗନେଲେ ୪୦୦ରୁ ଊର୍ଦ୍ଧ୍ବ ଛାତ୍ରଛାତ୍ରୀ

Taekwondo Tournament:ବ୍ରହ୍ମପୁର:ରେଶମ ସହର ବ୍ରହ୍ମପୁରର ସ୍ଥାନୀୟ ହିଲପଟଣା ସ୍ଥିତ ସଂସ୍କୃତି ଭବନ ପରିସରରେ ଦୁଇ ଦିନିଆ ଚତୁର୍ଥ ରାଜ୍ୟସ୍ତରୀୟ ଟାଏକୋଣ୍ଡ ପ୍ରତିଯୋଗିତା ଉଦଘାଟିତ ହୋଇଯାଇଛି । ଏଥିରେ ରାଜ୍ୟର ୧୪ ଜିଲ୍ଲାର ୪୦୦ ରୁ ଊର୍ଦ୍ଧ୍ବ ପ୍ରତିଯୋଗୀ ଭାଗ ନେଇଛନ୍ତି  । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏହାର ଅଧ୍ୟକ୍ଷ କାର୍ତ୍ତିକ ଚନ୍ଦ୍ର ମହାପାତ୍ର, ଟାଏକୋଣ୍ଡୁ ସଭାପତି ଜିତେନ୍ଦ୍ର କୁମାର ମୁନି, ଟାଏକୋଣ୍ଡୁ ଆସୋସିଏସନ ସମ୍ପାଦକ ସତ୍ୟ ନାରାୟଣ ତ୍ରିପାଠୀ ପ୍ରମୁଖ ଉପସ୍ଥିତ ରହି ଆନୁଷ୍ଠାନିକ ଭାବରେ ଏହି ପ୍ରତିଯୋଗିତାକୁ ଶୁଭାରମ୍ଭ କରିଥିଲେ l ସେହିପରି ରାଜ୍ୟ ବାହାରରୁ ୨୦ ଜଣ ଅଭିଜ୍ଞତା ସମ୍ପନ୍ନ ରେଫେରୀ ଏହି ପ୍ରତିଯୋଗିତାକୁ ପରିଚାଳନା କରିବାରେ ସହଯୋଗ କରିଛନ୍ତି l ଯାହାକି ଏଭଳି କ୍ରୀଡାରେ ଅଂଶଗ୍ରହଣ କରୁଥିବା ବିଦ୍ୟାର୍ଥୀମାନେ ଜାତୀୟ ସ୍ତରୀୟ ପ୍ରତିଯୋଗିତାର ବିଭିନ୍ନ ବିଷୟ ଜାଣିପାରିବେ ବୋଲି କୁହାଯାଇଛି । ସେପଟେ ବିଦ୍ୟାର୍ଥୀମାନେ ସେମାନଙ୍କ ପ୍ରଦର୍ଶନ ଦେଖାଇ ବେଶ ଖୁସି ଥିବା କହିଛନ୍ତି ।

ଏହା ମଧ୍ୟ ପଢନ୍ତୁ- ଆରମ୍ଭ ହେଲା ଓଡିଶା ଓପନ ଟେନିସ ପ୍ରତିଯୋଗୀତା, ଭାଗନେଲେ 50ରୁ ଊର୍ଦ୍ଧ୍ୱ ଖେଳାଳି

ଇଟିଭି ଭାରତ,ବ୍ରହ୍ମପୁର