ଧନୁ ସଂକ୍ରାନ୍ତିରେ ମା' ଶାରଳାଙ୍କ ସ୍ବତନ୍ତ୍ର ନୀତି, ଅନୁଷ୍ଠିତ ହେଲା ସୂର୍ଯ୍ୟ ନାରାୟଣଙ୍କ ଉତ୍ତରାୟଣ ପୂଜା

ଜଗତସିଂହପୁର: ଆଜି ହେଉଛି ପବିତ୍ର ଧନୁ ସଂକ୍ରାନ୍ତି । ଏହି ଅବସରରେ ଜଗତସିଂହପୁର ଜିଲ୍ଲାର ଇଷ୍ଟଦେବୀ ମା' ଶାରଳାଙ୍କ ମନ୍ଦିରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି । ଭୋର ୪ରୁ ଦ୍ଵାର ଫିଟା ନୀତି ପରେ ମଙ୍ଗଳ ଆଳତୀ, ମଇଲମ, ଅବକାଶନ ନୀତି ପରେ ମା'ଙ୍କ ନିକଟରେ ପହିଲି ଭୋଗ ପୂଜା କରାଯାଇଥିଲା । ଆଜିର ଦିନରେ ହଜାର ହଜାର ଶ୍ରଦ୍ଧାଳୁ ମା'ଙ୍କ ନିକଟରେ ଧନୁ ମୁଆଁ ଅର୍ପଣ କରିଥିଲେ । ଶୁକ୍ରବାର ମଧ୍ୟ ମା'ଙ୍କ ପୀଠରେ ସୂର୍ଯ୍ୟ ନାରାୟଣଙ୍କ ଉତ୍ତରାୟଣ ପୂଜା ଅନୁଷ୍ଠିତ ହୋଇଛି ।