ବଡଓଷାରେ ବାବା ଧବଳେଶ୍ବରଙ୍କ ବଡସିଂହାର ବେଶ - ଧବଳେଶ୍ବରଙ୍କ ବଡସିଂହାର ବେଶ

ଆଜି ପବିତ୍ର ଧବଳେଶ୍ଵରପୀଠରେ ବଡଓଷା ପାଳନ କରାଯାଉଛି । ବଡଓଷାରେ ବାବା ବଡସିଂହାର ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି । ଆଜି ମଧ୍ୟ ରାତ୍ରୀରେ ଲାଗି ହେବ ଗଜଭୋଗ । ଆଜି ପ୍ରତ୍ୟେକ ପରିବାର ପକ୍ଷରୁ ଗଜଭୋଗ ପ୍ରସ୍ତୁତି କରାରାଉଛି । ବଡ଼ଓଷାରେ ଭକ୍ତବିନା ପୀଠରେ ଖାଁ ଖାଁ ପରିବେଶ । ପୀଠରେ ୧୪୪ ଧାରା ଲାଗୁ ସହ ମୂଖ୍ୟ ରାସ୍ତା ଫାଟକ ପାଖରେ ପରଦାରେ ପାଖରେ ଦର୍ଶନ କରୁଛନ୍ତି ଶ୍ରଦ୍ଧାଳୁ । ଭୋର ୪ଟା ରୁ ପହଡ ଖୋଲା ଯାଇ ମଙ୍ଗଳା ଆଳତୀ ପରେ ସମସ୍ତ ନୀତିକାନ୍ତି ସମାପନ କରାଯାଇ ବଡସିଂହାର ବେଶରେ ସୁସଜ୍ଜିତ କରାଯାଇ ଦର୍ଶନ ପାଇଁ ଦ୍ବାରା ଫିଟାଯାଇଥିଲା। ତ୍ରୟୋଦଶୀ ତିଥି ତୃତୀୟ ପ୍ରହରରେ ଚତୁର୍ଦ୍ଦଶୀ ସନ୍ଧି କ୍ଷଣରେ ଗଜଭୋଗ ଲାଗି କରାଯିବ। ଆସନ୍ତାକାଲି ସକାଳୁ ଶ୍ରଦ୍ଧାଳୁମାନଙ୍କୁ ଗଜଭୋଗ ବିତରଣ କରାଯିବ ।