OSRTC ବସ ଓ ସ୍କର୍ପିଓ ମୁହାଁମୁହିଁ ଧକ୍କା, ୮ ଗୁରୁତର
Published : Jan 14, 2024, 5:13 PM IST
Critical Road Accident:ନୂଆପଡ଼ା:କୋମନାରେ ମର୍ମନ୍ତୁଦ ସଡ଼କ ଦୁର୍ଘଟଣା । OSRTC ବସ ଓ ସ୍କର୍ପିଓ ମୁହାଁମୁହିଁ ଧକ୍କା ହେବା ଫଳରେ ୮ଜଣ ଗୁରୁତର ହୋଇଛନ୍ତି । କୋମନା ଥାନା ଅନ୍ତର୍ଗତ 353 ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ଗୁରୁତରମାନଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ଆଜି ଅପରାହ୍ନରେ ଜିଲ୍ଲା ସଦର ମହୁକମାରୁ OSRTC ବସ ଯାତ୍ରୀ ନେଇ ବଲାଙ୍ଗୀର ଅଭିମୁଖେ ବାହାରିଥିଲା । କୋମନାରୁ ଆସୁଥିବା ଏକ ସ୍କରପିଓ ନୂଆପଡା ଅଭିମୁଖେ ଆସୁଥିବାବେଳେ ଉଭୟ ଗାଡି ଭାରସାମ୍ୟ ହରାଇବା ଯୋଗୁଁ ମୁହାଁମୁହିଁ ଧକ୍କା ହୋଇଥିଲା ।
ଏହା ମଧ୍ୟ ପଢନ୍ତୁ...କାମ ଦେଉନି ସଚେତନତା; ବଲାଙ୍ଗୀରରେ ବଢୁଛି ସଡକ ଦୁର୍ଘଟଣା, ଗଡୁଛି ମୁଣ୍ଡ
ଦୁର୍ଘଟଣା ଫଳରେ ବସଟି ରାସ୍ତା ତଳକୁ ଓଲଟି ପଡିଥିବା ଦେଖିବାକୁ ମିଳିଛି । ଦୁର୍ଘଟଣାରେ ୮ ଜଣ ଗୁରୁତର ହୋଇଥିବାବେଳେ, ସମସ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏହି ୮ ଜଣ ଆହତଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ହୋଇଛି । 353 ନମ୍ବର ଜାତୀୟ ରାଜପଥରେ ଦିନକୁ ଦିନ ଦୁର୍ଘଟଣା ବୃଦ୍ଧି ପାଉଥିବାବେଳେ ଏହାକୁ ରୋକିବା ପାଇଁ ପଦକ୍ଷେପ ନେବା ଜରୁରୀ ହୋଇପଡିଛି ।
ଇଟିଭି ଭାରତ, ନୂଆପଡ଼ା