ଯୁବକଙ୍କ ଅଜବ କାରନାମା: ଟ୍ରେନ ବଗି ଛାତ ଉପରେ ଚଢ଼ି ଯାତ୍ରା କରୁଥିଲେ, ଦେଖନ୍ତୁ ଭିଡ଼ିଓ

ବାଲେଶ୍ବର:ବେଳେବେଳେ କିଛି ଲୋକଙ୍କ ଅଜବ କାରନାମା ସମସ୍ତଙ୍କୁ ହଇରାଣରେ ପକାଇଥାଏ । ଠିକ ସେହିପରି ବାଲେଶ୍ଵର ରେଳ ଷ୍ଟେସନରେ ଜଣେ ଯୁବକଙ୍କ ଏପରି କିଛି କାରନାମା ଦେଖିବାକୁ ମିଳିଛି । ଟ୍ରେନ ବଗି ଛାତ ଉପରେ ବସି ଯାତ୍ରା କରୁଥିବା ବେଳେ ଯୁବକଙ୍କୁ ଉଦ୍ଧାର କରିଛି ଆରପିଏଫ । ଏକ ଏକ୍ସପ୍ରେସ ଟ୍ରେନ ବଗି ଉପରେ ଚଢ଼ି ଯୁବକ ଜଣକ ଏପରି ବିପଦୁପୂର୍ଣ୍ଣ ଯାତ୍ରା କରୁଥିଲେ । ରୁପ୍ସାରେ ଷ୍ଟେସନ କର୍ମଚାରୀ ଏହା ଦେଖିବା ପରେ ବାଲେଶ୍ଵର ଆରପିଏଫ ଅଧିକାରୀଙ୍କୁ ଖବର ଦେଇଥିଲେ । ଟ୍ରେନ ବାଲେଶ୍ଵରରେ ପହଞ୍ଚିବା ପରେ ଆରପିଏଫ କର୍ମଚାରୀମାନେ ଯୁବକଙ୍କୁ ଟ୍ରେନ ଛାତ ଉପରୁ ସିଡ଼ି ଲଗାଇ ଉଦ୍ଧାର କରିଥିଲେ । ଉଦ୍ଧାର ପରେ ଉକ୍ତ ଯୁବକଙ୍କୁ ଥାନାକୁ ନେଇ ରେଲୱେ ପୋଲିସ ପଚରାଉଚରା କରିଛି । ସେ ଆସାମ ନାଲବାରି ଅଞ୍ଚଳର ଅକୁସ ଅଲ୍ଲୀ ହୋଇଥିବା ବେଳେ ସେ ମାନସିକ ସ୍ତରରେ ସ୍ଥିତି ଠିକ୍‌ ନଥିବା ଜଣାପଡିଛି ।

ଇଟିଭି ଭାରତ, ବାଲେଶ୍ବର