କାଦୁଅରେ ଫସି ଥିବା ଦୁଇ ହାତୀ ଶାବକ ଉଦ୍ଧାର - ୩୫ଟିକିଆ ହାତୀ ପଲ ଧାନ ଖାଇବାକୁ ବିଲକୁ ପଶିଥିଲେ

ବାରିପଦା: ବୁଧବାର ରାତି ଦୁଇଟା ସମୟରେ ୩୫ଟିକିଆ ହାତୀ ପଲ ଧାନ ଖାଇବାକୁ ବିଲକୁ ପଶିଥିଲେ । ଅଜାଣତରେ ଡଗୱେଲରେ ୬ଟି ହାତୀ ଖସିପଡ଼ିଥିଲେ । ବୁଧବାର ରାତିରେ ଧାନ ଖାଇବାକୁ ଆସିଥିଲେ। ଏହି ହାତୀପଲ ମଧ୍ୟରୁ ଦୁଇଟି ହାତୀ ଶାବକ ଶିମିଳିପାଳ ସନ୍ନିକଟ ବାରିପଦା ରେଞ୍ଜ ଅନ୍ତର୍ଗତ ହଳଦିବଣୀ ଫରେଷ୍ଟ କାର୍ଯ୍ୟାଳୟ ଅଧୀନ କାଠରୁମାର ସାଧୁ ମୁର୍ମୁଙ୍କ ବିଲରେ ଥିବା ଏକ ଡଗୱେଲ ଭିତରେ ଖସି ପଡ଼ିଥିଲେ । ସେଥି ମଧ୍ୟରୁ ଚାରିଟି ହାତୀ କୌଶଳ କ୍ରମେ ଉଠିଯାଇଥିଲେ । ତେବେ ଦୁଇଟି ହାତୀ ଶାବକ ଉଠି ପାରିନଥିଲେ । ସକାଳେ ଗ୍ରାମବାସୀ ଜାଣିବା ପରେ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଓ ବନ ବିଭାଗ ଦୁଇ ହାତୀ ଶାବକକୁ ଉଦ୍ଧାର କରିଥିଲା । ଇଟିଭି ଭାରତ, ବାରିପଦା