ସାମ୍ବାଦିକାଙ୍କୁ ମାଡ଼ ଘଟଣା: ଚାରିଆଡୁ ଉଠିଲା କାର୍ଯ୍ୟାନୁଷ୍ଠାନ ଦାବି, ବବି କହିଲେ ଆଇନ ତା ବାଟରେ ଯିବ

ଭୁବନେଶ୍ବର:ସାମ୍ବାଦିକାଙ୍କୁ ମାଡ଼ ଘଟଣା । ଏହାକୁ ନେଇ ପ୍ରତିକ୍ରିୟା ରଖିଛନ୍ତି ଅଭିନେତା ବବି ମିଶ୍ର । ସେ କହିଛନ୍ତି, "ଗଣତନ୍ତ୍ରର ଚତୁର୍ଥ ସ୍ତମ୍ଭ ହେଉଛି ମିଡିଆ । ଆମେ ସାମ୍ବାଦିକଙ୍କୁ ସମ୍ମାନ କରୁ । ସିସିଟିଭି ଯାଞ୍ଚ ପରେ ଘଟଣାର ସତ୍ୟାସତ୍ୟ ଥିଲେ କାର୍ଯ୍ୟାନୁଷ୍ଠାନ ନିଆଯିବାର ଆବଶ୍ୟକତା ରହିଛି ।" ସେପଟେ ଏହାକୁ ନେଇ ସାମ୍ବାଦିକଙ୍କ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଗଣମାଧ୍ୟମରେ କାର୍ଯ୍ୟରତ ଜଣେ ମହିଳା ପ୍ରତିନିଧିଙ୍କୁ ପ୍ରଯୋଜକଙ୍କ ଏପରି ବ୍ୟବହାର ଘଟଣାକୁ ନିନ୍ଦା କରିବା ସହ ଟୁଟୁ ନାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସାମ୍ବାଦିକ । 

ଏହା ବି ପଢନ୍ତୁ...ମହିଳା ସାମ୍ବାଦିକାଙ୍କୁ ମାଡ଼ ମାରିଲେ ଟୁଟୁ ନାୟକ, ସାମ୍ନାକୁ ଆସିଲା ସିସିଟିଭି ଫୁଟେଜ

ସାମ୍ବାଦିକା ଦେବସ୍ମିତା ରାଉତଙ୍କ ଅଭିଯୋଗକୁ ଗ୍ରହଣ କରି ଖାରବେଳନଗର ଥାନା ପୋଲିସ ତଦନ୍ତ ଆରମ୍ଭ କରିଛି । ସିନେମା ହଲରେ ପହଞ୍ଚି ସିସିଟିଭି ଫୁଟେଜର ଛାନଭିନ କରିଛି ପୋଲିସ ।

ଇଟିଭି ଭାରତ, ଭୁବନେଶ୍ବର