କୁନି ଭାଇ ହାତରେ ଭଉଣୀର ସ୍ନେହର ଡୋରି

ଖୋର୍ଦ୍ଧା: ଭାଇ ଓ ଭଉଣୀଙ୍କ ଅତୁଟ ବନ୍ଧନର ପର୍ବ ରକ୍ଷାବନ୍ଧନ । ସ୍ନେହ, ଶ୍ରଦ୍ଧା ଆଉ ଭାଇ ଭଉଣୀର ନିଆରା ସମ୍ପର୍କର ପର୍ବ ରାକ୍ଷୀ ପୂର୍ଣ୍ଣିମା । ରେଶମୀ ଡୋରି ବାନ୍ଧି ଭଉଣୀ ଭାଇକୁ ମାଗିବ ରକ୍ଷା କରିବାର ପ୍ରତିଶ୍ରୁତି । ଏଥିପାଇଁ ଗାଁରୁ ସହର ସବୁଠି ଦେଖିବାକୁ ମିଳିଛି ଉତ୍ସବର ମାହୋଲ । ଏହି ପର୍ବ ପାଇଁ ଖୋର୍ଦ୍ଧା ଜିଲ୍ଲାର ବିଭିନ୍ନ ଅଞ୍ଚଳ ବେଶ ଚଳଚଞ୍ଚଳ ହୋଇଥିବା ଦେଖିବାକୁ ମିଳିଛି । ଭାଇ ପାଇଁ ଭଳିକି ଭଳି ରାକ୍ଷୀ କିଣି ସ୍ନେହ ଓ ଅତୁଟ ବିଶ୍ବାସର ସହିତ ଭାଇ ହାତରେ ବାନ୍ଧିଛି । ସେହିଭଳି ମିଠା ଦୋକାନ, ଉପହାର ଦୋକାନରେ ମଧ୍ୟ ଭିଡ଼ ଦେଖିବାକୁ ମିଳିଛି । ଦୁଇବର୍ଷ ପରେ ଚଳିତବର୍ଷ ସଂପୂର୍ଣ୍ଣ କଟକଣା ମୁକ୍ତ ରାକ୍ଷୀ ପାଳନ ହେଉଥିବାରୁ ଜିଲ୍ଲା ହୋଇଛି ଚଳଚଞ୍ଚଳ । ଇଟିଭି ଭାରତ, ଖୋର୍ଦ୍ଧା