ବାବା ଧବଳେଶ୍ବରଙ୍କୁ ଦର୍ଶନ କଲେ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ

କଟକ: ବାବା ଧବଳେଶ୍ଵରଙ୍କ ଦର୍ଶନ କଲେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ଗତକାଲି ଧବଳେଶ୍ୱର ପୀଠରେ ରାତ୍ରିଯାପନ କରିବା ସହ ଆଜି(ରବିବାର) ସକାଳୁ ରେଳମନ୍ତ୍ରୀ ବାବା ଧବଳେଶ୍ଵରଙ୍କୁ ପୂଜାର୍ଚ୍ଚନା କରିଛନ୍ତି । ମନ୍ଦିରରେ ପହଞ୍ଚିବା ପରେ ପୂଜକ ସମିତି ପକ୍ଷରୁ ତାଙ୍କୁ ସ୍ବାଗତ କରାଯାଇଥିଲା । ଏହାପରେ ରେଳମନ୍ତ୍ରୀ ମନ୍ଦିର ଗର୍ଭଗୃହରେ ଦର୍ଶନ ସହିତ ପୂଜାର୍ଚ୍ଚନା କରିଥିଲେ । ଏଥିସହ ମନ୍ଦିରର ବେଢ଼ା ପରିକ୍ରମା କରି ବାବା ଧବଳେଶ୍ବର ମନ୍ଦିରରେ ମାନସିକ ବାନା ବାନ୍ଧି ପ୍ରାସାଦ ସେବନ କରିଥିଲେ । ମନ୍ଦିର ଉନ୍ନତି ଦିଗରେ ପୂଜକ ସମିତି ସହ ଆଲୋଚନା କରିଥିଲେ । ସକାଳୁ ଧବଳେଶ୍ୱରଙ୍କୁ ଦର୍ଶନ କରିବା ପରେ ଆଠଗଡ, ବଡମ୍ବା ଓ ନରସିଂହପୁରରେ କାର୍ଯ୍ୟକର୍ତ୍ତାମାନଙ୍କ ସହ ସାଙ୍ଗଠନିକ ବୈଠକରେ ଯୋଗଦେବେ ଅଶ୍ବିନୀ ବୈଷ୍ଣବ । ତେବେ ମନ୍ଦିରର ବିକାଶ କିପରି ହେବ ସେନେଇ ପୂଜକ ଓ ପ୍ରଶାସକ ସହ ଆଲୋଚନା ପରେ ଝୁଲା ପୋଲ ସମ୍ପର୍କରେ ସେ ପଚାରି ବୁଝିଥିଲେ  ।  

ଏହା ମଧ୍ୟ ପଢନ୍ତୁ- ଭୁବନେଶ୍ବର ଷ୍ଟେସନରେ ରେଳମନ୍ତ୍ରୀ, ନବୀକରଣ କାର୍ଯ୍ୟର କଲେ ସମୀକ୍ଷା

ଇଟିଭି ଭାରତ, କଟକ