ରିଭର୍ଶ ସ୍ପିଡ୍ ପେଣ୍ଟିଂ କରି ଗଣେଶ ପୂଜା ଶୁଭେଚ୍ଛା ଦେଲେ ନବମ ଶ୍ରେଣୀର ଛାତ୍ର - ଗଣେଶ ପୂଜା ଶୁଭେଛା ଦେଲେ ପୁରୀ ଛାତ୍ର ଆୟୁଷ

ପୁରୀ:ପବିତ୍ର ଗଣେଶ ପୂଜା ଅବସରେ ରିଭର୍ଶ ସ୍ପିଡ ପେଣ୍ଟିଂକରି ଗଣେଶ ପୂଜା ଶୁଭେଚ୍ଛା ଦେଲେ ପୁରୀ ଛାତ୍ର ଆୟୁଷ ମହାପାତ୍ର। ଏହି ରିଭର୍ଶ ସ୍ପିଡ ପେଣ୍ଟିଂ ସେ ମାତ୍ର 6ମିନିଟରେ କରିଛନ୍ତି । ଯାହାକି ବେଶ୍ କଷ୍ଟ ସାଧ୍ୟ । 2021ରେ ଏହି ପେଣ୍ଟିଂକୁ ନେଇ ଆୟୁଷ ଇଣ୍ଡିଆ ବୁକ୍ ରେକର୍ଡ ଅଧିକାରୀ ହୋଇଥିଲେ । ପୁରୀ ଆୟୁଷ ମହାପାତ୍ର ଏବେ ନବମ ଶ୍ରେଣୀର ଛାତ୍ର ଅଟନ୍ତି । 2020 ଲକ୍ ଡାଉନ୍ ସମୟରୁ ୟୁଟ୍ୟୁବ ଦେଖି ଏହି ଅଭିନବ ରିଭର୍ଶ ସ୍ପିଡ ପେଣ୍ଟିଂ ଶିଖିବା ଆରମ୍ଭ କରିଥିଲେ । ପୁରୀ ବାସେଳୀ ସାହିର ବାସିନ୍ଦା ନିତ୍ୟାନନ୍ଦ ମହାପାତ୍ର ଓ ଜ୍ୟୋତି ମହାପାତ୍ର ପୁଅ ହେଉଛନ୍ତି ଆୟୁଷ ମହାପାତ୍ର । ଆଗାମୀ ଦିନରେ ଓଡିଶାରେ ଅଧିକ ଅଧିକ ରିଭର୍ଶ ସ୍ପିଡ ପେଣ୍ଟିଂକୁ କିଭଳି ଲୋକ ପ୍ରିୟ କରାଇବେ ତାଙ୍କର ମୁଖ୍ୟ ଲକ୍ଷ୍ୟ ରହିଥିବା ଆୟୁଷ କହିଛନ୍ତି । ଇଟିଭି ଭାରତ, ପୁରୀ