ଅଙ୍ଗନବାଡ଼ି କେନ୍ଦ୍ରରେ ଅଘଟଣ: ଛାତରୁ ଖସିଲା କଂକ୍ରିଟ, ଅଙ୍ଗନବାଡ଼ି କର୍ମୀଙ୍କ ସମେତ 5 ଆହତ - ଛାତରୁ ଖସିଲା ଖସିଲା କଂକ୍ରିଟ

ଅନୁଗୋଳ: ଅଙ୍ଗନବାଡ଼ି ଛାତରୁ ଖସିଲା ସିମେଣ୍ଟ କଂକ୍ରିଟ । ଏହି ଅଘଟଣରେ ଅଙ୍ଗନବାଡ଼ି କର୍ମୀଙ୍କ ସମେତ 5 ଜଣ ଶିଶୁ ଆହତ ହୋଇଥିବା ସୂଚନା ମିଳିଛି । ଅନୁଗୋଳ ଜିଲ୍ଲା ଆଠମଲ୍ଲିକ ବ୍ଲକ ଝିଲିମୁଣ୍ଡା ଅଙ୍ଗନବାଡ଼ି କେନ୍ଦ୍ରରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ସୂଚନା ଅନୁଯାୟୀ, ଅଙ୍ଗନବାଡ଼ି କେନ୍ଦ୍ର ଚାଲିଥିବା ବେଳେ ହଠାତ ଏହାର ଛାତରୁ ବଡ ବଡ ସିମେଣ୍ଟ ଖଣ୍ଡ ଖସି ପଡ଼ିଥିଲା ଏବଂ ସେଠାରେ ଉପସ୍ଥିତ ଥିବା ଅଙ୍ଗନବାଡ଼ି ଦିଦିଙ୍କ ସମେତ ଶିଶୁଙ୍କ ଉପରେ ପଡ଼ିଥିଲା । ଖବର ପାଇ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରିବା ସହ ଆଠମଲ୍ଲିକ ଉପଖଣ୍ଡ ଡାକ୍ତରଖାନାକୁ ପଠାଇ ଥିଲେ । ସମସ୍ତଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ଜଣାପଡ଼ିଛି । ତେବେ ଏହି ଅସୁରକ୍ଷିତ ଘରେ ଅଙ୍ଗନବାଡି ସେଣ୍ଟର ଚାଲୁଥିଲା ନେଇ ସାଧାରଣରେ ପ୍ରଶ୍ନ ଉଠିଛି । ଘଟଣାକୁ ନେଇ ଗାଁରେ ଅସନ୍ତୋଷ ଦେଖାଦେଇଛି । ବିପଦ ସଂକୁଳ ଘରେ ପାଠ ନପଢ଼ାଇ ଆଉ ଏକ ଶ୍ରେଣୀଗୃହ କରାଯାଉ ବୋଲି ଲୋକେ ଦାବି କରିଛନ୍ତି ।

ଇଟିଭି ଭାରତ, ଅନୁଗୋଳ