ଗ୍ରୀନ କରିଡର କଲେ ଲୋକେ, ଅଢେଇ ଘଣ୍ଟା ଲାଗିଲା 5 ଘଣ୍ଟାର ରାସ୍ତା

ଥିରୁଅନନ୍ତପୁରମ: ହୃଦଘାତର ଶିକାର ହୋଇ ମୃତ୍ୟୁ ସହ ସଂଘର୍ଷ କରୁଥିଲା ନାବାଳିକା । ଗ୍ରୀନ କରିଡରରେ ହସ୍ପିଟାଲରେ ପହଞ୍ଚାଇବା ପାଇଁ ଆରମ୍ଭ ହେଲା ଯୁଦ୍ଧକାଳୀନ ମିଶନ । ସ୍ଥାନୀୟ ପ୍ରଶାସନ ଓ ପୋଲିସ ସହ ସହଯୋଗ କଲେ ସାଧାରଣ ଲୋକେ । ମାତ୍ର ଅଢେଇ ଘଣ୍ଟା ମଧ୍ୟରେ ଆମ୍ବୁଲାନ୍ସ 133 କି.ମି ପାହାଡିଆ ଘାଟି ରାସ୍ତା ପାର କରି ହସ୍ପିଟାଲରେ ପହଞ୍ଚିଲା । ଏପରି ଏକ ଘଟଣା ଦେଖିବାକୁ ମିଳିଛି କେରଳର କୋଚିରେ । ଇଡୁକ୍କି ଜିଲ୍ଲାର ଜଣେ 17 ବର୍ଷୀୟା ନାବାଳିକା ହୃଦଘାତର ଶିକାର ହେବା ପରେ ତାଙ୍କୁ ଯୁଦ୍ଧକାଳୀନ ଭିତ୍ତିରେ କୋଚିର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ସ୍ଥାନୀୟ ପ୍ରଶାସନ, ପୋଲିସ ଓ ସାଧାରଣ ଲୋକଙ୍କ ସହଯୋଗରେ ଗ୍ରୀନ କରିଡର ମାଧ୍ୟମରେ ମାତ୍ର 2 ଘଣ୍ଟା 40 ମିନିଟରେ କୋଚିର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ସେଠାରେ ତାଙ୍କ ଚିକିତ୍ସା ଜାରି ରହିଛି । ଦେଖନ୍ତୁ କିପରି ଥିଲା ଏହି ମିଶନ । ବ୍ୟୁରୋ ରିପୋର୍ଟ, ଇଟିଭି ଭାରତ