Diwali 2023: ଦୀପାବଳିର ଶୁଭେଚ୍ଛା ଜଣାଇଲେ ପିସିସି ସଭାପତି - ଦୀପାବଳି ଶୁଭେଚ୍ଛା ଜଣାଇଲେ ପିସିସି ସଭାପତି
Published : Nov 12, 2023, 4:06 PM IST
ଭୁବନେଶ୍ବର: ଆଲୋକର ପର୍ବ ଦୀପାବଳିର ଶୁଭେଚ୍ଛା ଜଣାଇଲେ ପିସିସି ସଭାପତି ଶରତ ପଟ୍ଟନାୟକ । ଓଡିଶାବାସୀଙ୍କ ମଙ୍ଗଳ କାମନା କରିବା ସହ ଦୀପାବଳିର ପର୍ବ ସମସ୍ତଙ୍କ ଜୀବନ ଆଲୋକମୟ ହେଉ ବୋଲି କାମନା କରିଛନ୍ତି ଶରତ । ସେହିପରି ଶରତ ପଶ୍ଚିମ ଓଡିଶାବାସୀଙ୍କୁ ମଧ୍ୟ କୋଶଳୀ ଭାଷାରେ ଦୀପାବଳିର ଶୁଭ କାମନା ଜଣାଇଛନ୍ତି । ସାରା ଦେଶରେ ଆଜି ଶୁଭ ଦୀପାବଳି ପାଳନ କରିଛନ୍ତି ଭାରତବାସୀ । ଆଲୋକର ପର୍ଵ ଦୀପାବଳିରେ ସମସ୍ତେ ସୁରକ୍ଷିତ ରୁହନ୍ତୁ । ଆଗାମୀ ଦିନରେ କଂଗ୍ରେସ ଦଳ ସମସ୍ତ ଓଡିଶାବାସୀଙ୍କ ବିଶ୍ୱାସଭାଜନ ହେଉ, ଜନସାଧାରଣଙ୍କ ପ୍ରଥମ ପସନ୍ଦ ହେଉ ଏବଂ ଲୋକେ କଂଗ୍ରେସକୁ କ୍ଷମତା ହାସଲ କରିବାରେ ସହାୟକ ହୁଅନ୍ତୁ ବୋଲି ଈଶ୍ୱରଙ୍କ ପାଖରେ କାମନା କରିଛନ୍ତି ପିସିସି ସଭାପତି ।
ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି । ଦୀପାବଳିକୁ ଅଧିକ ଉତ୍ସବମୁଖର କରିବାକୁ ସୁରକ୍ଷିତ ରହି ବାଣ ଫୁଟାଇବାକୁ ଭୁବନେଶ୍ୱର ପୋଲିସ ପ୍ରଶାସନ ତତ୍ପରତା ଦେଖାଦେଇଛି । ରାତି 8ଟାରୁ 10 ଟା ପର୍ଯ୍ୟନ୍ତ ବାଣ ଫୁଟାଇବାକୁ ଅନୁମତି ଦେଇଛି ଭୁବନେଶ୍ୱର ପୋଲିସ । ସୁପ୍ରିମକୋର୍ଟ ନିର୍ଦ୍ଦେଶ କ୍ରମେ ଗ୍ରୀନ କ୍ରାକାର ଫୁଟାଇବାକୁ ଅନୁମତି ଦେଇଛି ପ୍ରଶାସନ ।
ଏହା ମଧ୍ୟ ପଢ଼ନ୍ତୁ....Diwali 2023: ଦେଶବାସୀଙ୍କୁ ଶୁଭ ଦୀପାବଳିର ଶୁଭେଚ୍ଛା ଜଣାଇଲେ ରାଷ୍ଟ୍ରପତି-ପ୍ରଧାନମନ୍ତ୍ରୀ
ଇଟିଭି ଭାରତ, ଭୁବନେଶ୍ବର