ଜଗାଦର୍ଶନ କରାଇ ଦେଲାନି କରମଣ୍ଡଳ, ପୁରୀ ବଦଳରେ ପହଞ୍ଚାଇଲା ମେଡିକାଲ

କଟକ: ବାହାନଗା ରେଳ ଦୁର୍ଘଟଣା ପରେ ସମସ୍ତଙ୍କ ମନ ଆନ୍ଦୋଳିତ ହୋଇଉଠିଛି । ଏହାରି ଭିତରେ ଅନେକ ମୃତାହତଙ୍କ ପରିଚୟ ଧୀରେ ଧୀରେ ସାମନାକୁ ଆସିବାରେ ଲାଗିଛି । ସୂଚନା ମୁତାବକ, ଜଗା ଦର୍ଶନ ପାଇଁ ବାହାରି ଥିବାବେଳେ ତାହା ଅଧାରେ ରହିଯାଇଛି । ଦେଖୁ ଦେଖୁ ସବୁକିଛି ଉଜୁଡିଯାଇଛି । ପୁରୀ ଯିବା ପୂର୍ବରୁ ହସ୍ପିଟାଲ ବେଡ଼ରେ ପଡି ଏବେ ଜୀବନ ମରଣ ସହ ସଂଘର୍ଷ କରୁଛନ୍ତି ଟ୍ରେନ୍ ଦୁର୍ଘଟଣାର ଶିକାର ବ୍ୟକ୍ତି । ତେବେ ଭଗବାନଙ୍କ କୃପା ହେଲେ ଆମେ ପୁଣି ନିଶ୍ଚୟ ପୁରୀ ଯିବୁ ବୋଲି କହିଛନ୍ତି ଆହତଙ୍କ ପରିବାର । ଅନ୍ୟପଟେ ଶୁକ୍ରବାର କରମଣ୍ଡଳ ଏକ୍ସପ୍ରେସର ଭୟଙ୍କର ଦୁର୍ଘଟଣାବେଳେ ଗୁରୁତର ହୋଇଛନ୍ତି ଚାକିରି ପାଇଁ ଚେନ୍ନାଇ ଯାଉଥିବା ଜଣେ ଯୁବକ । ଯାହାକୁ ନେଇ ବର୍ତ୍ତମାନ ଭାଙ୍ଗିପଡିଛନ୍ତି ପରିବାର । ନିଜ ପରିବାର ସଦସ୍ୟଙ୍କ ସମେତ ସମସ୍ତ ଗୁରୁତର ଖୁବ ଶୀଘ୍ର ଆରୋଗ୍ୟ ହୁଅନ୍ତୁ ବୋଲି ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି ଆହତଙ୍କ ପରିବାରଲୋକେ ।

ଇଟିଭି ଭାରତ, କଟକ