ରାଜ୍ୟ ବିଜେପି ପାଳିଲା ଗଣତନ୍ତ୍ର ଦିବସ, ସମସ୍ତେ ନିଜ କର୍ତ୍ତବ୍ୟ ପ୍ରତି ସଚେତନ ରହିବାକୁ ସମୀରଙ୍କ ଆହ୍ୱାନ

ଭୁବନେଶ୍ବର: ଆଜି ଦେଶ ପାଳୁଛି ୭୪ ତମ ସାଧାରଣତନ୍ତ୍ର ଦିବସ । ଏହି ଅବସରରେ ଭାରତୀୟ ଜନତା ପାର୍ଟି ରାଜ୍ୟ କାର୍ଯ୍ୟାଳୟରେ ପାଳନ ହୋଇଯାଇଛି ୭୪ତମ ସାଧାରଣତନ୍ତ୍ର ଦିବସ । ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ବିଜେପି ରାଜ୍ୟ ସଭାପତି । ସେ କହିଛନ୍ତି, "ପ୍ରଧାନମନ୍ତ୍ରୀଙ୍କ ଆହ୍ଵାନ କ୍ରମେ ସମାଜର ଯିଏ ଯେଉଁଠି ଅଛି ନିଜର କର୍ତ୍ତବ୍ୟ ପ୍ରତି ସଚେତନ ରୁହନ୍ତୁ। କର୍ତ୍ତବ୍ୟକୁ ପାଳନ କରନ୍ତୁ । ସମୃଦ୍ଧ ସମାଜ ହେବ ଏବଂ ଦେଶ ସମୃଦ୍ଧିଶାଳୀ ହେବ।"  

ଏହି ଦିବସ ଅବସରରେ ରାଜ୍ୟ ସଭାପତି ସମୀର ମହାନ୍ତି ପତାକା ଉତ୍ତୋଳନ କରିଥିଲେ । ଓଡ଼ିଶାବାସୀଙ୍କ ସେବା କରିବା, ମୌଳିକ ଅଧିକାର ପହଞ୍ଚାଇବା ଏ ସାଧାରଣତନ୍ତ୍ର ଦିବସର ସଂକଳ୍ପ ବୋଲି କହିଛନ୍ତି ସମୀର । କାର୍ଯ୍ୟକ୍ରମରେ ଦଳର ପ୍ରଥମ ବିଧାୟକ ପ୍ରସନ୍ନ ପଟ୍ଟନାୟକ, ରାଜ୍ୟ କୋଷଧ୍ୟକ୍ଷ ସୁଦର୍ଶନ ଗୋଏଲ, ସଂଗଠନ ସମ୍ପାଦକ ମାନସ ମହାନ୍ତି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶାରଦା ମହାନ୍ତି, ରାଜ୍ୟ ପ୍ରବକ୍ତା ଠାକୁର ରଞ୍ଜିତ ଦାସ ଉପସ୍ଥିତ ଥିଲେ।

ଇଟିଭି ଭାରତ, ଭୁବନେଶ୍ବର