The Healing Touch
69th National Film Award: କ୍ଷୁଦ୍ର ଚଳଚ୍ଚିତ୍ର କାଟେଗୋରିରେ ଓଡିଆ ଫିଲ୍ମ 'ଦ ହିଲିଙ୍ଗ ଟଚ୍' ପୁରସ୍କୃତ - ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର
Published : Aug 24, 2023, 10:31 PM IST
ଭୁବନେଶ୍ବର: ଘୋଷଣା ହୋଇଛି ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତାଙ୍କ ତାଲିକା । କ୍ଷୁଦ୍ର ଚଳଚ୍ଚିତ୍ର କାଟେଗୋରିରେ ଓଡିଆ ଫିଲ୍ମ 'ଦ ହିଲିଙ୍ଗ ଟଚ୍'କୁ ମିଳିଛି ଜାତୀୟ ପୁରସ୍କାର । ଏହି ଫିଲ୍ମ ସ୍ପେସିଆଲ ମେନସନ୍ ଭାବେ ବିବେଚିତ ହୋଇଛି । ଏନେଇ ପ୍ରତିକ୍ରିୟା ରଖି ଫିଲ୍ମର ପ୍ରଯୋଜକ ଓ ନିର୍ଦ୍ଦେଶକ ଶ୍ବେତ କୁମାର ଦାସ ବେଶ ଖୁସି ବ୍ୟକ୍ତ କରି କହିଛନ୍ତି, " କ୍ଷୁଦ୍ର ହେଲେ ବି ଜାତୀୟ ପୁରସ୍କାର ପାଇଛି । ସେଥିପାଇଁ ମୁଁ ଅତ୍ୟନ୍ତ ଖୁସି ।" ଆଉ ଏକ ଓଡ଼ିଆ ଫିଲ୍ମକୁ ମଧ୍ୟ ମିଳିଛି ଜାତୀୟ ପୁରସ୍କାର । ଫିଲ୍ମ 'ପ୍ରତୀକ୍ଷା'କୁ ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ଭାବେ ଜାତୀୟ ପୁରସ୍କାର ମିଳିଛି । ଶ୍ରେଷ୍ଠ ଫିଚର ଭାବେ ଫିଲ୍ମଟି ବିବେଚିତ ହୋଇଛି । ଏହି ୨ ଫିଲ୍ମ ଜାତୀୟ ପୁରସ୍କାର ହାତେଇ ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଗୌରବ ଆଣିଛନ୍ତି ।
ଇଟିଭି ଭାରତ, ଭୁବନେଶ୍ବର