ସିଲଭରସିଟିରେ ଧୁମଧାମରେ ପାଳନ ହେଉଛି ଶିବ ବିବାହ ଉତ୍ସବ - କଟକର ପ୍ରମୁଖ ଶୈବପୀଠ ଗଡ ଗଡିୟାଶ୍ବର ମନ୍ଦିର

କଟକ: ଶୀତଳ ଷଷ୍ଠୀ ଉପଲକ୍ଷେ କଟକର ପ୍ରମୁଖ ଶୈବପୀଠ ଗଡ ଗଡିୟାଶ୍ବର ମନ୍ଦିରରେ ଅନୁଷ୍ଠିତ ହୋଇଛି ଶିବ ବିବାହ । ବିଶେଷ ଆଡମ୍ୱର ସହିତ ଆଜି ଶିବ ବିବାହ ପାଳିତ ହୋଇଛି । କାହିଁ କେଉଁ ଆବାହନ ଯୁଗରୁ ଏହି ଠାରେ ଶିବ ବିବାହ ଅନୁଷ୍ଠିତ ହୋଇ ଆସୁଛି । ସମସ୍ତ ରୀତିନୀତିର ସହ ଶିବ ବିବାହ ପାଳିତ କରାଯାଉଛି ।  ମାତା ପାର୍ବତୀଙ୍କ ପିତାମାତା କନ୍ୟାଦାନ କରିବା ସହ ଅନ୍ୟ ପକ୍ଷରେ ଆଉ କିଛି ବ୍ୟକ୍ତି ବିଶେଷ ଦେବଦେବ ମହାଦେବଙ୍କ ପିତାମାତା ଭାବରେ ବିବାହ କାର୍ଯ୍ୟ ସମ୍ପାଦନ କରିଛନ୍ତି । ଏଥିସହ ଅନ୍ନପ୍ରସାଦ ମଧ୍ୟ ଅହରହ ଚାଲିଛି । ଆସନ୍ତାକାଲି(ଗୁରୁବାର) ଶିବଙ୍କର ବିଶାଳ ଶୋଭାଯାତ୍ରା ବାହାରି ସହର ପରିକ୍ରମା କରିବ ବୋଲି ଆୟୋଜକ କମିଟି ସୂଚନା ଦେଇଛନ୍ତି । ଯଦିଓ ଏହି ଉତ୍ସବ ସମ୍ବଲପୁରରେ ବେଶ ପ୍ରସିଦ୍ଧ ତଥାପି ଏହାକୁ ସଂସ୍କୃତି ଓ ପରମ୍ପରାନଗରୀ କଟକରେ ମଧ୍ୟ ପ୍ରତିବର୍ଷ ବେଶ ଉତ୍ସାହର ସହ ପାଳନ କରାଯାଉଛି । 

ଇଟିଭି ଭାରତ, କଟକ