ଆଡ଼ପ ମଣ୍ଡପରେ ଶ୍ରୀଜିଉ, କାଲିଠୁ ମହାପ୍ରଭୁଙ୍କ ନବମୀ ସନ୍ଧ୍ୟା ଦର୍ଶନ - ମହାପ୍ରଭୁଙ୍କ ନବମୀ ସନ୍ଧ୍ୟା ଦର୍ଶନ

ଜଗତସିଂହପୁର: ଜିଲ୍ଲାର ବିଭିନ୍ନ ମନ୍ଦିରରେ ଆଡ଼ପ ମଣ୍ଡପରେ ମହାପ୍ରଭୁଙ୍କ ଦର୍ଶନ ଜାରି ରହିଛି । ସଦର ବ୍ଲକ ଅନ୍ତର୍ଗତ ସିଦ୍ଧଳ ଠାରେ ବଳଦେବଜୀଉ ମନ୍ଦିରରେ ମଙ୍ଗଳବାର ଶ୍ରୀଜିଉଙ୍କ ନବମୀ ସନ୍ଧ୍ୟା ଦର୍ଶନ ପାଇଁ ପ୍ରସ୍ତୁତି ଶେଷ ହୋଇଛି । ଜିଲ୍ଲାପାଳ ପାରୁଲ ପଟୱାରୀ ସିଦ୍ଧ ବଳଦେବଜୀଉ ମନ୍ଦିରରେ ମହାପ୍ରଭୁଙ୍କ ଦର୍ଶନ କରି ହେବାକୁ ଥିବା ନବମୀ ଦର୍ଶନ ପାଇଁ ପ୍ରସ୍ତୁତିର ସମୀକ୍ଷା କରିଛନ୍ତି । ସେହିପରି ବିରିଡି ବ୍ଲକ ଧ୍ୟାନକୁଦ ଠାରେ ମହାପ୍ରଭୁଙ୍କ ବାହୁଡ଼ା ଯାତ୍ରା ଓ ହେବାକୁ ଥିବା ନବମୀ ସନ୍ଧ୍ୟା ଦର୍ଶନ ପାଇଁ ଲକ୍ଷାଧିକ ଭକ୍ତଙ୍କ ସମାଗମ ହେବର ଆଶଙ୍କା ରହିଛି । ଗୁଣ୍ଡିଚା ମନ୍ଦିରରେ କିଭଳି ଭକ୍ତ ମାନେ ଶୃଙ୍ଖଳିତ ଦର୍ଶନ ପାଇବେ ସେ ଦୃଷ୍ଟିରୁ ବିରିଡି ପୋଲିସ ଓ ମନ୍ଦିର ପ୍ରଶାସନ ପକ୍ଷରୁ ଏକ ବୈଠକ ବସିବା ସହ ବିଭିନ୍ନ ଦିଗକୁ ନେଇ ସମୀକ୍ଷା ହୋଇଛି । ବାହୁ଼ଡ଼ା ଯାତ୍ରା ପାଇଁ ଗଡ଼କୁଜଙ୍ଗ ସ୍ଥିତ ମହାପ୍ରଭୁ କୁଞ୍ଜବିହାରୀ ମନ୍ଦିରରେ ମଧ୍ୟ ପ୍ରବଳ ଭିଡ଼ ହେବ ବୋଲି ଆଶଙ୍କା କରାଯାଉଛି । ଭକ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ଜିଲ୍ଲା ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । 

ଇଟିଭି ଭାରତ, ଜଗତସିଂହପୁର