'କାବୁଲିୱାଲା'ରେ ଅଭିନୟ ପାଇଁ ଅଡିସନ ସୁପାରିଶ କରିଥିଲେ ମିଥୁନ - ଅଭିନେତା ମିଥୁନ ଚକ୍ରବର୍ତ୍ତୀ

ମୁମ୍ବାଇ: ଭେଟେରାନ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ନେଇ ଏକ ନୂଆ କଥା ସାମନାକୁ ଆସିଛି । ଏନେଇ ନିଜେ ଖୁଲାସା କରିଛନ୍ତି ଅଭିନେତା ମିଥୁନ । ସେ କହିଛନ୍ତି ଯେ, ରବୀନ୍ଦ୍ରନାଥ ଟାଗୋରଙ୍କ ପ୍ରସିଦ୍ଧ କାହାଣୀର ରୂପାନ୍ତରରେ ନିର୍ମିତ ବଙ୍ଗଳା ଚଳଚ୍ଚିତ୍ର 'କାବୁଲିୱାଲା'ରେ ଅଭିନୟ କରିବାକୁ ସେ ପଛଘୁଞ୍ଚା ଦେଉଥିଲେ, କାରଣ ସେ ନିଶ୍ଚିତ ନଥିଲେ ଯେ ସେ ବଲରାଜ ସାହନି ଏବଂ ଛବି ବିଶ୍ବାସଙ୍କ ଭଳି ସେ ଏହି ଭୂମିକାରେ ମେଳ ଖାଇ ପାରିବେ ନା ନାହିଁ । ଏଭଳି ଅନିଶ୍ଚିତତା ଭିତରେ ପରେ ସେ ଏହି ପ୍ରୋଜେକ୍ଟରେ ଯୋଗ ଦେବାକୁ ସ୍ଥିର କଲେ, କିନ୍ତୁ ଗୋଟିଏ ସର୍ତ୍ତ ରଖିଥିଲେ । 

ଏହା ବି ପଢନ୍ତୁ...'ଆଶିକୀ ୩'ରେ କାର୍ତ୍ତିକ ଆର୍ଯ୍ୟନଙ୍କୁ କାଷ୍ଟିଂ ନେଇ ଏମିତି କହିଲେ ଆଦିତ୍ୟ

ଅଭିନେତା ମିଥୁନ ଚକ୍ରବର୍ତ୍ତୀ କହିଛନ୍ତି, "ଏହା ମୋ ପାଇଁ ଏକ ବଡ ଆହ୍ବାନ ଥିଲା । କାରଣ ବିଭିନ୍ନ ଚଳଚ୍ଚିତ୍ରରେ ପୂର୍ବରୁ ଏହି ଭୂମିକାରେ ଅଭିନୟ କରିଥିବା ଦୁଇ ଅଭିନେତା ବଲରାଜ ସାହାନୀ ଏବଂ ଛବି ବିଶ୍ବାସ ଉଭୟ ଅମର ଭୂମିକାରେ ଅଭିନୟ କରିଥିଲେ । ମୁଁ ପ୍ରଥମେ ନା କହିଥିଲି । କାରଣ ଏହା ବହୁତ କଷ୍ଟସାଧ୍ୟ ଥିଲା । ପରେ, ଯେତେବେଳେ ମୁଁ ନିର୍ମାତାଙ୍କ ବିଷୟରେ ଜାଣିବାକୁ ପାଇଲି, ସେତେବେଳେ ମୁଁ ରାଜି ହୋଇଥିଲି । କିନ୍ତୁ ଗୋଟିଏ ସର୍ତ୍ତ ରହିଥିଲା । ମୁଁ  ନିର୍ଦ୍ଦେଶକ ଏବଂ ପ୍ରଡ୍ୟୁସରଙ୍କ ନିକଟରେ ସର୍ତ୍ତ ରଖିଥିଲି ଯେ, ସେମାନେ 'କାବୁଲିୱାଲା' ଭୂମିକା ପାଇଁ ମୋତେ ଅଡିସନ୍ ମାଧ୍ୟମରେ ନିଅନ୍ତୁ ।"