ଦଇବ ସାଧିଲା ଦାଉ, କୁନି କାନ୍ଧରେ ପରିବାର ଭାର

ବାଲେଶ୍ବର: ବାପାର ଶୁଦ୍ଧିକ୍ରିୟା ପାଇଁ ଘର ଘର ବୁଲି ସହାୟତା ମାଗୁଛି ପୁଅ । ଏମିତି କିଛି ଦୃଶ୍ୟ ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ସୋର ଅଞ୍ଚଳରେ । ହାତରେ ପଲିଥିନ୍ ଏବଂ ବ୍ୟାନର ଧରି ବାପାର ଶୁଦ୍ଧିକ୍ରିୟା ପାଇଁ ଘର ଘର ବୁଲି ସହାୟତା ମାଗୁଛି ପୁଅ । ପରିବାରର ପ୍ରତିପୋଷଣ ପାଇଁ ଟଙ୍କା ରୋଜଗାର କରୁ କରୁ ଆକ୍ରାନ୍ତ ହୋଇ କ୍ୟାନସରରେ ଆଖି ବୁଜିଲେ ସୋର ବ୍ଲକ ସାଜନପୁର ପଞ୍ଚାୟତ ବରହମପୁର ଗାଁର ରମେଶ ଜେନା । ଏଥିପାଇଁ ରମେଶଙ୍କ ନାବାଳକ ପୁଅ ବାପାର ଶୁଦ୍ଧିକ୍ରିୟା ପାଇଁ ସହାୟତା ମାଗୁଥିବା ବେଳେ ନାବାଳକ ପୁଅର ଏମିତି ପରିସ୍ଥିତି ଦେଖି ସୋର ଅଞ୍ଚଳର ସାମାଜିକ ଅନୁଷ୍ଠାନ ଆଦର୍ଶ ଯୁବ ପରିଷଦ ଦୁଃଖି ପରିବାରକୁ ସହାୟତାର ହାତ ବଢ଼ାଇଛି । ଇଟିଭି ଭାରତ, ବାଲେଶ୍ବର