ଅପମାନିତ କରିନି, ପ୍ରଧାନମନ୍ତ୍ରୀ ବି ମିମିକ୍ରି କରନ୍ତି: କଲ୍ୟାଣ ବାନାର୍ଜୀ
Published : Dec 20, 2023, 2:23 PM IST
ନୂଆଦିଲ୍ଲୀ:ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ଙ୍କୁ ନକଲ କରିବା ଘଟଣାରେ ସ୍ପଷ୍ଟୀକରଣ ରଖିଛନ୍ତି ଟିଏମସି ସାଂସଦ କଲ୍ୟାଣ ବାନାର୍ଜୀ । ମିମିକ୍ରିକୁ ନେଇ ବିଭିନ୍ନ ମହଲରେ ସମାଲୋଚନାର ଶିକାର ହେବା ପରେ, କଲ୍ୟାଣ ବାନାର୍ଜୀ ସଫେଇ ଦେଇଛନ୍ତି ଯେ, ସେ ଜାଣି ଶୁଣି ଅପମାନ କିମ୍ବା ଅସମ୍ମାନ କରିନାହାନ୍ତି । ସେ ରାଜ୍ୟସଭା ଅଧ୍ୟକ୍ଷଙ୍କୁ ସମ୍ମାନ କରନ୍ତି । ତାଙ୍କ ପ୍ରତି ମୋର ସମ୍ମାନ ରହିଛି । ସେ ମୋ ପ୍ରଫେସନର ଅଟନ୍ତି । ସେ ଆମର (ପଶ୍ଚିମବଙ୍ଗ) ପୂର୍ବତନ ରାଜ୍ୟପାଳ ଥିଲେ । ସେ ଆମର ଉପରାଷ୍ଟ୍ରପତି । ମୁଁ କେବଳ ଏକ ପ୍ରକାର କଳା ବା ଆର୍ଟ ପ୍ରଦର୍ଶନ କରିଥିଲି । କୌଣସି ବ୍ୟକ୍ତିଙ୍କୁ 'ଅନୁକରଣ କରିବା ଏକ କଳା' । ତେବେ ଟିଏମସି ସାଂସଦ କଲ୍ୟାଣ ବାନାର୍ଜୀ ନିଜ ଆଚରଣ ପାଇଁ ସିଧା ସଳଖ କ୍ଷମା ମାଗି ନାହାନ୍ତି। ଅନ୍ୟପକ୍ଷରେ ମିମିକ୍ରିକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦାହରଣ ଦେଇଛନ୍ତି ଟିଏସି ସାଂସଦ । ସେ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ 2014ରୁ 2019 ମଧ୍ୟରେ ଲୋକସଭାରେ ନକଲ କରିଥିଲେ। ଗତକାଲି ଟିଏମସି ସାଂସଦ, ସଂସଦ ବାହାରେ ନିଲମ୍ବିତ ସାଂସଦମାନଙ୍କ ଧାରଣାସ୍ଥଳରେ ରାଜ୍ୟସଭା ଅଧ୍ୟକ୍ଷଙ୍କୁ ନେଇ ମିମିକ୍ରି କରିଥିଲେ ।
ଏହା ମଧ୍ଯ ପଢ଼ନ୍ତୁ: ଟିଏମସି ସାଂସଦଙ୍କ ମିମିକ୍ରି, ଭିଡିଓ ସୁ୍ଟ୍ କଲେ ରାହୁଲ ଗାନ୍ଧି: ଧନକଡ଼ କହିଲେ ଦୁର୍ଭାଗ୍ୟଜନକ
ବ୍ୟୁରୋ ରିପୋର୍ଟ, ଇଟିଭି ଭାରତ