ଗାଧୁଆ ତୁଠରେ ଜଗି ବସିଥିଲା ଯମ ! ବୋଲେରୋ ଧକ୍କାରେ ଜଣେ ମୃତ

ରାଉରକେଲା: ଗୋଧୋଇବା ପାଇଁ ପଥର ଉପରେ ବସିଥିବାବେଳେ ଚଢ଼ିଗଲା ଗାଡି । ବୋଲେରୋ ଗାଡି ଚଢି ଯିବାରୁ ଜଣେ ବ୍ୟକ୍ତିଙ୍କ ଜୀବନ ଯାଇଛି । ସୁନ୍ଦରଗଡ ଜିଲ୍ଲା କୋଇଡା ଥାନା ଅନ୍ତର୍ଗତ ନୂଆଗାଁରେ ଏଭଳି ଅଘଟଣ ଘଟିଛି । ଏକ ବୋଲେରୋ ଗାଡି ଧକ୍କାରେ ବାସୁଦେବ ନାଏକ ନାମକ ଜଣେ ବ୍ୟକ୍ତିଙ୍କ ଜୀବନ ଯାଇଛି । ସେ କାରୋ ନାଳ ପାଖରେ ବସି ନିତ୍ୟକର୍ମ କରୁଥିବା ସମୟରେ ଏହି ଦୁର୍ଘଟଣା ଘଟିଛି । 

ଏହା ବି ପଢନ୍ତୁ...ବାପା-ପୁଅଙ୍କ ଉପରେ ମାଡି ଗଲା ବୋଲେରୋ, ଜଣେ ମୃତ

ସୂଚନା ଅନୁସାରେ, ନାଳ ନିକଟରେ ୨ ଜଣ ଯୁବକ ବୋଲେରୋ ଗାଡ଼ିକୁ ଧୋଇବାକୁ ପହଞ୍ଚିଥିଲେ । ସେମାନଙ୍କ ଅଜାଣତରେ ବୋଲେରୋଟି ବାସୁଦେବଙ୍କ ଉପରେ ଚଢି ଯାଇଥିଲା । ସେପଟେ ସମ୍ପୃକ୍ତ ୨ ଯୁବକ ଘଟଣା ସ୍ଥଳରୁ ଚମ୍ପଟ ମାରିଛନ୍ତି । କୋଇଡା ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ପାରିପାର୍ଶ୍ୱିକ ପରିସ୍ଥିତି ଅନୁଧ୍ୟାନ କରିବା ସହ ୨ ଯୁବକଙ୍କ ସନ୍ଧାନ କରୁଛି । ଅନ୍ୟପଟେ ଗାଡି ମାଲିକଙ୍କୁ କ୍ଷତିପୂରଣ ପାଇଁ ଦାବି କରିଛନ୍ତି ପରିବାରଲୋକେ । 

ଇଟିଭି ଭାରତ, ରାଉରକେଲା