କ୍ରିକେଟ ଖେଳିଲେ କଳାହାଣ୍ଡି ଜିଲ୍ଲାପାଳ - କ୍ରିକେଟ ଟୁର୍ଣ୍ଣାମେଣ୍ଟ

ଭବାନୀପାଟଣା: କଳାହାଣ୍ଡି ଜିଲ୍ଲା ଓକିଲ ସଂଘ ପକ୍ଷରୁ ଭବାନୀପାଟଣା ଲାଲ ବାହାଦୂର ଶାସ୍ତ୍ରୀ ଷ୍ଟାଡିୟମରେ ଟି୨୦ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହୋଇଯାଇଛି । ପ୍ରଥମ ଦିନରେ ଧର୍ମଗଡ଼ ଓକିଲ ସଂଘ ଓ ଭବାନୀପାଟଣା ଓକିଲ ସଂଘ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଛି । ଟସ ଜିତି ପ୍ରଥମେ ଧର୍ମଗଡ଼ ଓକିଲ ସଂଘ ବ୍ୟାଟିଂ କରିଥିବା ବେଳେ ୨୦ ଓଭରରେ ୧୧୪ ରନ ସଂଗ୍ରହ କରିଛି । ପରେ ଭବାନୀପାଟଣା ବ୍ୟାଟିଂ କରି ୧୨ ଓଭର ରେ ୯ ୱିକେଟ ହରାଇ ୧୧୮ ରନ କରି ବିଜୟ ହୋଇଛି । ଏହି ମ୍ୟାଚର ଉଦଘାଟନ ଉତ୍ସବରେ ମୁଖ୍ୟ ଅତିଥି ଭାବରେ କଳାହାଣ୍ଡି ଜିଲ୍ଲାପାଳ ପି ଅନ୍ବେଷା ରେଡ୍ଡୀ , ଓଡିଶା ଅଲମ୍ପିକ ସଙ୍ଘ ସଭାପତି ଜଗମୋହନ ପଟ୍ଟନାୟକ,ଜିଲ୍ଲା ଓକିଲ ସଂଘ ସଭାପତି ସୁବ୍ରତ ବୋହିଦାର ଅତିଥି ଭାବରେ ଯୋଗ ଦେଇ କ୍ରିକେଟ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ । ଖେଳାଳି ମାନଙ୍କୁ ଉତ୍ସାହିତ କରିବାକୁ ଯାଇ ଜିଲ୍ଲାପାଳ ପି ଅନ୍ବେଷା ରେଡ୍ଡୀ ବ୍ୟାଟ ଧରି କିଛି ସମୟ ପାଇଁ ଓକିଲମାନଙ୍କ ସହ ଖେଳିଥିଲେ ।