BALIYATRA: ସରିଲା ଲେଜର ଲାଇଟ ଶୋ'ର ଟ୍ରାଏଲ, ଜମିଲା ଦର୍ଶକଙ୍କ ପ୍ରବଳ ଭିଡ

କଟକ: ବାଲିଯାତ୍ରାକୁ ଚଳିତବର୍ଷ ଏକ ଭିନ୍ନ ଢଙ୍ଗରେ, ଭିନ୍ନ ରୂପରେ ଦର୍ଶକଙ୍କ ପାଖରେ ପହଞ୍ଚାଇବା ପାଇଁ ପ୍ରଶାସନ ପକ୍ଷରୁ ଲେଜର ଲାଇଟ ଶୋ'(Laser Light show in Baliyatra)ବ୍ୟବସ୍ଥା କରାଯାଇଛି। ଲେଜର ଲାଇଟ ଶୋ'ରେ ଲାଇଟ୍‌ ଏଣ୍ଡ ସାଉଣ୍ଡ ବ୍ୟବହାର କରି କଟକରେ ଐତିହସ୍ଥାନ ଓ ମହାନ ବ୍ୟକ୍ତିତ୍ବଙ୍କ ଜୀବନୀକୁ ନେଇ ଏହା ପ୍ରଦର୍ଶନ କରାଯିବ । ଏନେଇ ଆଜି ବାଲିଯାତ୍ରା ପଡିଆ ଠାରେ ଲେଜର ଲାଇଟ ଶୋ' ଟ୍ରାଏଲ କରାଯାଇଛି । ଟ୍ରାଏଲରେ ଥ୍ରୀଡି ଆନିମେଶନ ଶହ ମହାତ୍ମା ଗାନ୍ଧୀଙ୍କ ଜୀବନୀ ଓ କଟକ ଗସ୍ତର ଦୃଶ୍ୟ ପ୍ରଦର୍ଶନ କରାଯାଇଛି । ଦିଲ୍ଲୀରୁ ଆସିଥିବା ଟିମ୍ ମହାନଦୀ ପାଣିରେ ଏହାକୁ ଆଜି ଟ୍ରାଏଲ କରିଛନ୍ତି । ବାଲିଯାତ୍ରା ସମୟରେ ଲାଇଟ୍‌ ଏଣ୍ଡ ସାଉଣ୍ଡ ମାଧ୍ୟମରେ ୮ଦିନ ଧରି ପ୍ରତିଦିନ ସନ୍ଧ୍ୟାରେ ମାଗଣାରେ ଦର୍ଶକ ଏହାର ମଜା ନେଇପାରିବେ । ତେବେ ଟ୍ରାଏଲ ଶୋ'ରେ ଦର୍ଶକଙ୍କ ଜମିଛି ଭିଡ଼ । ଏହି ନୂତନତାକୁ ଦେଖିବା ପାଇଁ ପ୍ରତିଦିନ ଲାଗୁଛି ଶହଶହ ଲୋକଙ୍କ ଭିଡ଼ । ଇଟିଭି ଭାରତ, କଟକ