ଆକ୍ରମଣରେ ଶିକାର ହେବା ପରେ କୁକୁରକୁ ମାଡିବସିଲେ ବ୍ୟକ୍ତି

ଥିରୁଅନନ୍ତପୁରମ: ଗତ କିଛି ଦିନ ହେଲ କୁକୁର ଆକ୍ରମଣ କରୁଥିବା ଖବର ସାମ୍ନାକୁ ଆସୁଛି । କୁକୁର ଆକ୍ରମଣରେ କେହି ମୃତାହାତ ହୋଇନଥିଲେ ମଧ୍ୟ ଅନେକ ଆହତ ହୋଇ ହସ୍ପିଟାଲରେ ଭର୍ତ୍ତି ହେଉଛନ୍ତି । ସେହିପରି ଆଜି କେରଳରେ କୁକୁର ଆକ୍ରମଣରେ ଜଣେ ବ୍ୟକ୍ତି ଆହତ ହୋଇଥିବା ଖବର ସାମ୍ନାକୁ ଆସିଛି । ଅବଦୁଲ ନାସର ନାମକ ଜଣେ ବ୍ୟକ୍ତି ଆଜି ସକାଳ ସମୟରେ ମର୍ଣିଂ ଓ୍ବାକ କରିବାକୁ ଯାଇଥିବା ବେଳେ ଏକ କୁକୁର ତାଙ୍କ ହାତକୁ କାମୁଡି ଦେଇଥିଲା । ଏହି ସମୟରେ ବ୍ୟକ୍ତି ଜଣଙ୍କ ଭୟଭିତ ନହୋଇ କୁକୁର ଯେମିତି ଆଉ କାହାକୁ ଆକ୍ରମଣ ନ କରିବା ସେଥିପାଇଁ ତାକୁ ଜାବୁଡି ଧରିଥିଲେ । ଏହି ସମୟରେ କିଛି ବ୍ୟକ୍ତି ଘଟଣାସ୍ଥଳରେ ପହଞ୍ଚି କୁକୁରକୁ କାବୁ କରିବା ସହ କୁକୁର ଗୋଡ ବାନ୍ଧି ଦେଇଥିଲେ । ଆହତ ବ୍ୟକ୍ତି ଜଣଙ୍କ ବର୍ତ୍ତମାନ ହସ୍ପିଟାଲରେ ଚିକିତ୍ସିତ ହେଉଛନ୍ତି । କୋଜିକୋଡେର ପାନ୍ଥିରାନକାଭୁରେ ଏହି ଘଟଣା ଘଟିଥିବା ଜଣାପଡିଛି ।