ଜିଲ୍ଲା ମାଟ୍ରିକ ଟପ୍ପରଙ୍କୁ ସମ୍ବର୍ଦ୍ଧନା, ଆଗକୁ ପଢିବା ପାଇଁ ସହାୟତା କରିବ ଜିଲ୍ଲା ପ୍ରଶାସନ - ମୋନାଶ୍ରୀଙ୍କୁ ଆଗକୁ ବଢିବା ପାଇଁ ସାହାର୍ଯ୍ୟ କରିବାକୁ ଜିଲ୍ଲାପାଳଙ୍କ ପ୍ରତିଶୃତି
କେନ୍ଦ୍ରାପଡା: ଚଳିତ ବର୍ଷ ଦଶମ ବୋର୍ଡ ପରୀକ୍ଷାରେ କେନ୍ଦ୍ରାପଡା ଜିଲ୍ଲାରେ ସର୍ବାଧିକ ମାର୍କ ରଖି କୃତକାର୍ଯ୍ୟ ହୋଇଛନ୍ତି ମୋନାଶ୍ରୀ ବିଶ୍ବାଳ । ତାଙ୍କୁ ସମ୍ବର୍ଦ୍ଧିତ କରିଛନ୍ତି ଜିଲ୍ଲାପାଳ ଅମ୍ରିତ ଋତୁରାଜ । କେନ୍ଦ୍ରାପଡା ଜିଲ୍ଲା ଡେରାବିଶ ବ୍ଲକ ଗୋଲରାହାଟ ପଞ୍ଚାୟତର ଝିଅ ମୋନାଶ୍ରୀ ବିଶ୍ବାଳ । ତାଙ୍କ ବାପା ବୃତ୍ତିରେ ଭାଗ ଚାଷୀ ହୋଇଥିବା ବେଳେ ମା ଗୃହିଣୀ ଭାବେ କାମ କରନ୍ତି । ତେବେ ଚାଷୀ ପରିବାରର ଝିଅ ହୋଇ ମୋନାଶ୍ରୀ ଚଳିତ ବର୍ଷ ମାଟ୍ରିକ ପରୀକ୍ଷାରେ 585 ମାର୍କ ରଖି ଜିଲ୍ଲାର ଟପ୍ପର ହୋଇଛନ୍ତି । ବାପା ଜଣେ ଚାଷୀ ହୋଇଥିବା ବେଳେ ବାପାଙ୍କ ସହ କାନ୍ଧରେ କାନ୍ଧ ମିଶାଇ କାମ କରନ୍ତି ମୋନାଶ୍ରୀ । ସେ ନିଜ ଚେଷ୍ଟାରେ ଅଧ୍ୟୟନ କରି ଭଲ ରେଜଲ୍ଟ କରିଥିବାରୁ ଆଗକୁ ପ୍ରଶାସନିକ ସେବାରେ ଯୋଗ ଦେବା ପାଇଁ ଇଚ୍ଛା ରଖିଛନ୍ତି । ତେବେ ଜିଲ୍ଲାପାଳ ଅମ୍ରିତ ଋତୁରାଜ ମୋନାଶ୍ରୀଙ୍କୁ ସମ୍ବର୍ଦ୍ଧିତ କରିବା ସହିତ ଆଗକୁ ବଢିବା ପାଇଁ ସହଯୋଗ ଯୋଗାଇ ଦେବାକୁ ପ୍ରତିଶୃତି ଦେଇଛନ୍ତି । ଇଟିଭି ଭାରତ, କେନ୍ଦ୍ରାପଡା
Last Updated : Feb 3, 2023, 8:24 PM IST