ସାମ୍ୱାଦିକାଙ୍କୁ ମାଡ ଘଟଣା: ପ୍ରଯୋଜକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲା ଯାଜପୁର ସିଭିଲ ସୋସାଇଟି
Published : Nov 4, 2023, 5:54 PM IST
ଯାଜପୁର:ଖବର ସଂଗ୍ରହ ପାଇଁଯାଇଥିବା ବେଳେଇଟିଭି ସାମ୍ବାଦିକାଙ୍କୁ ଦୁର୍ବ୍ୟବହାର ଘଟଣାରେ ଫିଲ୍ମ ପ୍ରଯୋଜକ ଟୁଟୁ ନାୟକ ଗିରଫ ହୋଇଛନ୍ତି। ସେପଟେ ସାରା ରାଜ୍ୟରେ ବିଭିନ୍ନ ସ୍ଥାନରେ ସାମ୍ବାଦିକାଙ୍କୁ ଦୁର୍ବ୍ୟବହାର ଘଟଣାକୁ ନେଇ ବିରୋଧାଭାଷ ଦେଖିବାକୁ ମିଳିଛି । ପ୍ରଯୋଜକ ଟୁଟୁ ନାୟକଙ୍କ ଗିରଫ ଦାବିରେ ଯାଜପୁରରେ ସିଭିଲ ସୋସାଇଟି ପକ୍ଷରୁ ଦଳା ସ୍ଥିତ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟରେ ଦାବିପତ୍ର ଦିଆଯାଇଥିଲା l ଆଜି ସିଭିଲ ସୋସାଇଟି ଆବାହକ ବିଶ୍ୱନାଥ ପତ୍ର ଓ କୋରେଇ ସଂଗ୍ରାମ ସମିତି ସଭାପତି ବିଦ୍ୟାଧର ମହାନ୍ତିଙ୍କ ନେତୃତ୍ୱରେ ସାମ୍ବାଦିକ ଓ ବିଭିନ୍ନ ସଂଗଠନର ସଦସ୍ୟ କାର୍ଯ୍ୟାଳୟରେ ପହଞ୍ଚି ଫିଲ୍ମ ପ୍ରଯୋଜକ ଟୁଟୁ ନାୟକଙ୍କୁ ଗିରଫ କରିବାକୁ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ଦାବିପତ୍ର ପ୍ରଦାନ କରିଥିଲେ l
ଗତକାଲି(ଶୁକ୍ରବାର) ଇଟିଭି ଭାରତର ସାମ୍ବାଦିକା ଦେବସ୍ମିତା ରାଉତ ରାଉତ ଭୁବନେଶ୍ୱରର ଏକ ହଲକୁ ନିୟୁଜ ସଂଗ୍ରହ କରିବାକୁ ଯାଇଥିବା ସମୟରେ ପ୍ରଯୋଜକ ଟୁଟୁ ନାୟକ ତାଙ୍କୁ ଦୁର୍ବ୍ୟବହାର କରିଥିଲେ । ଯାହାକୁ ନେଇ ସାରା ରାଜ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ତେବେ ଯାଜପୁରରେ ସ୍ଥିତିକୁ ନେଇ ଅଧିକ ସୂଚନା ଦେଇଛନ୍ତି ଯାଜପୁରରୁ ଆମ ପ୍ରତିନିଧି ଜ୍ଞାନରଞ୍ଜନ ଓଝା ।
ଇଟିଭି ଭାରତ, ଯାଜପୁର