5ଟି ସଚିବଙ୍କୁ କାଳିମାଡ, କଳାହାଣ୍ଡି ବିଜେଡିର ବିକ୍ଷୋଭ ପ୍ରଦର୍ଶନ - bjd hold protest
କଳାହାଣ୍ଡି: ଆଜିରାଜ୍ୟର ଏକ ଘଟଣା ଯାହା ସମସ୍ତଙ୍କୁ ଚକିତ କରିଛି । ୫ଟି ସଚିବ ପୁରୀ ଜିଲ୍ଲା ଗସ୍ତରେ ଯାଇଥିଲେ । ପୁରୀ ଜିଲ୍ଲାର କାକଟପୁର ଓ ନିମାପଡ଼ା ଆଦି ସ୍ଥାନରେ ୫ଟି ସଚିବଙ୍କ ଜନଶୁଣାଣି କାର୍ଯ୍ୟକ୍ରମ ରହିଥିଲା । ପୁରୀ ସତ୍ୟବାଦୀ ଗୋପବନ୍ଧୁ ମହାବିଦ୍ୟାଳୟ କଲେଜ ପଡିଆ ନିକଟରେ ୫ଟି ସଚିବ ଭିକେ ପାଣ୍ଡିଆନ ପହଞ୍ଚିବା ପରେ ମହିଳା ମାନେ ତାଙ୍କୁ ସ୍ବାଗତ କରିଥିଲେ ।
ସେହି ସମୟରେ ଭାସ୍କର ସାହୁ ନାମକ ଯୁବକ ପାଣ୍ଡିଆନଙ୍କ ଉପରକୁ କାଳି ମାଡ କରିଥିଲା । ପାଣ୍ଡିଆନଙ୍କ ମୁହଁରେ କାଳି ପଡିଥିଲା । ପୋଲିସ ସେହି ଯୁବକଙ୍କୁ କାବୁ କରି ଗିରଫ କରଛି । ଗିରଫ ଯୁବକ ଜଣକ କଣାସ ଅଞ୍ଚଳର ଭାସ୍କର ସାହୁ ବୋଲି ଜଣାପଡିଛି । ଏହି ଘଟଣା ସାରା ରାଜ୍ୟରେ ହଇଚଇ ସୃଷ୍ଟି କରିଛି । ଏହି ଘଟଣାକୁ ବିରୋଧ କରାଯାଉଥିବା ମଧ୍ୟ ଦେଖିବାକୁ ମିଳିଛି । ସେପଟେ ସଚିବଙ୍କ ସହ ପୁରୀ ଜିଲ୍ଲାପାଳ ସମର୍ଥ ବର୍ମା ଉପସ୍ଥିତ ଥିବାବେଳେ ଜିଲ୍ଲାପାଳଙ୍କ ମଧ୍ୟ କାଳିମାଡ଼ର ଶିକାର ହୋଇଛନ୍ତି । ଉକ୍ତ ଯୁବକୁ ପୋଲିସ ହେପାଜତକୁ ନେଇଛି ଅଧିକ ତଦନ୍ତ କରୁଛି । ସେଠାରେ ଉପସ୍ଥିତ ଥିବା ପାଣ୍ଡିଆନଙ୍କ ସମର୍ଥକ ତାଙ୍କ ମୁହଁକୁ ପୋଛିଥିବା ଦେଖିବାକୁ ମିଳିଥିଲା । ଏହି ଘଟଣାକୁ ନେଇ ସାରା ରାଜ୍ୟରେ ବିଜେଡି ବିକ୍ଷଭ ପ୍ରଦର୍ଶନ କରିବା ଆରମ୍ଭ କରିଛି ।
ଏହା ମଧ୍ୟ ପଢନ୍ତୁ....Ink Attack on 5T Secretary: ବୁକୁ ଫଟାଇ କାନ୍ଦିଲେ ମହିଳା; କହିଲେ ପାଣ୍ଡିଆନ ମୋ ପୁଅ, ସତ୍ୟବାଦୀ ମାଟିର ସମ୍ମାନ ଚାଲିଗଲା
ଏହି ପରିପରେକ୍ଷୀରେ କଳାହାଣ୍ଡି ବିଜୁ ଯୁବ ଜନତା ଦଳ ଓ ବିଜୁ ଛାତ୍ର ଜନତା ଦଳ ପକ୍ଷରୁ ବିକ୍ଷଭ ପ୍ରଦର୍ଶନ କରାଯାଇଛି । ଭବାନୀପାଟଣା ସହରର ଗାନ୍ଧୀ ଛକଠାରେ ସମସ୍ତ ବିଜେଡି କର୍ମୀ ଓ ନେତା ସାମିଲ ହୋଇ ବିକ୍ଷାଭ ପ୍ରଦର୍ଶନ କରିବା ସହିତ ବିରୋଧୀଙ୍କୁ ସମାଲୋଚନା କରିଛନ୍ତି । ବିରୋଧୀ ବିଜେପି ଲୋକଙ୍କ ନିକଟରେ ହେବା ପରିବର୍ତ୍ତେ ବିକାଶ ବିରୋଧୀ କାର୍ଯ୍ୟ କରୁଛି । ରାଜ୍ୟରେ ନବୀନ ଓଡ଼ିଶା ନରା ନେଇ ୫ଟି ସଚିବ ପ୍ରତ୍ୟେକ ଜିଲ୍ଲାକୁ ଯାଇ ଲୋକଙ୍କ ସମସ୍ୟା ବୁଝିବା ସହ ତୁରନ୍ତ ସମାଧାନ କରୁଥିବା ବେଳେ ଲୋକେ ମୁଖ୍ୟମନ୍ତ୍ରୀଙ୍କୁ ଆଶୀର୍ବାଦ କରୁଛନ୍ତି । ଯାହାକୁ ବିରୋଧୀ ସହ୍ୟ କରି ପାରୁନଥିବା ବେଳେ ଆଜି ଲୋକ ଲଗାଇ ସଚିବଙ୍କ ଉପରେ କାଲି ମାଡ କରିଥିବା ବିଜେଡି କର୍ମୀମାନେ ପ୍ରକାଶ କରିଛନ୍ତି ।
ଇଟିଭି ଭାରତ, କଳାହାଣ୍ଡି