Watch Video: ବିରାଟଙ୍କୁ ଭେଟିଲେ ଦିବ୍ୟାଙ୍ଗ ଫ୍ୟାନ, କହିଲେ ସେ ଭାରି ଦୟାଳୁ - ବିରାଟ କୋହଲି ଭାଇରାଲ ଭିଡିଓ

ଚେନ୍ନାଇ: ଆଜିଠୁ ବହୁପ୍ରତିକ୍ଷିତ ଆଇସିସି ବିଶ୍ବକପ୍‌ 2023 ଆରମ୍ଭ ହୋଇଥିବା ବେଳେ ଆସନ୍ତା 8 ତାରିଖରେ ଚେନ୍ନାଇରେ ବିପକ୍ଷ ଟିମ ଅଷ୍ଟ୍ରେଲିଆକୁ ଭେଟିବ ଇଣ୍ଡିଆ । ଏଥିଲାଗି ଚେନ୍ନାଇର ଚେପକ୍କମ ସ୍ଥିତ ଏମଏ ଚିଦାମ୍ବରମ ଷ୍ଟାଡ଼ିୟମରେ ଗତକାଲିଠୁ ଅଭ୍ୟାସ କରୁଛି ଭାରତୀୟ କ୍ରିକେଟ ଟିମ । ଏହାରି ମଧ୍ୟରେ ଜଣେ ଦିବ୍ୟାଙ୍ଗ ପ୍ରଶଂସକ ଶ୍ରୀନିବାସ (19)ଙ୍କୁ ଭେଟିଛନ୍ତି ଲୋକପ୍ରିୟ କ୍ରିକେଟର ବିରାଟ କୋହଲି । ଶ୍ରୀନିବାସ ବିରାଟଙ୍କ ଏକ ସୁନ୍ଦର ଫଟୋଚିତ୍ର ସହିତ ତାଙ୍କୁ ଭେଟିଥିବା ବେଳେ ବିରାଟ ଏହା ଉପରେ ଅଟୋଗ୍ରାଫ ମଧ୍ୟ ଦେଇଛନ୍ତି । ଏହାପରେ ଇଟିଭି ଭାରତକୁ ପ୍ରତିକ୍ରିୟା ଦେଇ ଶ୍ରୀନିବାସ କହିଛନ୍ତି, " ମୁଁ 12 ବର୍ଷ ବୟସରୁ କ୍ରିକେଟ ମ୍ୟାଚ୍‌ ଦେଖିଆସୁଛି । ମୋର କ୍ରିକେଟ ପ୍ରତି ଦୁର୍ବଳତା ରହିଛି । ମୋର ପ୍ରିୟ କ୍ରିକେଟର ବିରାଟ କୋହଲିଙ୍କୁ ଦେଖିବା ଲାଗି ମୁଁ ଗତ 2 ବର୍ଷ ଧରି ଅପେକ୍ଷା କରିଥିଲି। ଆଜି ଶେଷରେ ମୁଁ ତାଙ୍କୁ ଭେଟିଛି । ମୋର ସ୍ବପ୍ନ ପୂରଣ ହୋଇଛି । ସେ ଭାରି ଦୟାଳୁ ।  "  

ଏହା ବି ଦେଖନ୍ତୁ- ବିରାଟଙ୍କ ପ୍ରେମରେ ପାକିସ୍ତାନୀ ପ୍ରଶଂସକ, ସୋସିଆଲ ମିଡିଆରେ ଭାଇରାଲ କୋହଲିଙ୍କ ଫ୍ୟାନ୍‌ଗାର୍ଲ

ବ୍ୟୁରୋ ରିପୋର୍ଟ, ଇଟିଭି ଭାରତ