ଲଗାଣ ବର୍ଷାରେ ଭୁଶୁ଼ଡି ପଡିଲା ଘର, ୬ ଗୁରୁତର ମେଡିକାଲରେ ଭର୍ତ୍ତି
ଭବାନୀପାଟଣା: କଳାହାଣ୍ଡିରେ ଲଗାଣ ବର୍ଷା ଫଳରେ ଅଘଟଣ । ଘର ଭୁଶୁ଼ଡି 6 ଆହତ । ଏପରି ଅଭାବନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜୟପାଟଣା ବ୍ଳକ ଅନ୍ତର୍ଗତ ବିମଳା ଗାଁରେ । ଗୋଟିଏ ପରିବାର ୬ ଜଣ ଲୋକଙ୍କୁ ଗୁରୁତର ଅବସ୍ଥାରେ ଜୟପାଟଣା ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ, କଳାହାଣ୍ଡିରେ ଦୁଇଦିନ ଧରି ଲାଗି ରହିଛି ଲଗାଣ ବର୍ଷା । ବିଭିନ୍ନ ସ୍ଥାନରେ ଘର ଭାଙ୍ଗି ଯାଇଥିବା ବେଳେ ଅନେକ ସ୍ଥାନରେ ପୋଲ ଧସି ଯାଇଥିବା ଦେଖିବାକୁ ମିଳିଛି । କଳାହାଣ୍ଡି ଜୟପାଟଣା ବ୍ଳକ ଅନ୍ତର୍ଗତ ବିମଳା ଗାଁରେ ପ୍ରବଳ ବର୍ଷା ହେବା ଫଳରେ ସେହି ଗାଁର ଲକ୍ଷ୍ମଣ ନାଏକ ଘରେ ଭୁଶୁଡି ଯାଇଥିଲା । ଘରେ ଥିବା ୫ ଜଣ ଶିଶୁ ଓ ଲକ୍ଷ୍ମଣଙ୍କ ସ୍ତ୍ରୀ ଗୁରୁତର ଭାବରେ ଆହତ ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ତୁରନ୍ତ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।
ସେଥିମଧ୍ୟରୁ ଜଣେ ଶିଶୁଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ବେଳେ ଖବର ପାଇ ବିମଳା ଗାଁରେ ପ୍ରଶାସନିକ ଅଧିକାରୀ ପହଞ୍ଚିଥିବା ଜଣାପଡିଛି । ସୂଚନା ଅନୁଯାୟୀ ଲକ୍ଷ୍ମଣ ନାଏକ ଘର ଖଣ୍ଡକ ପାଇ ଦୀର୍ଘ ବର୍ଷା ହେଲା ପ୍ରଶାସନ ନିକଟ କି ଦୌଡି ଦୌଡି ନୟାନ୍ତ ହୋଇଥିଲେ । ନିଜ ଝାଟିମାଟି ଘରେ ପାଲଢାଙ୍କି ରହି ଆସୁଥିଲେ । ତେବେ ଦୀର୍ଘ ବର୍ଷ ପୁରୁଣା ମାଟି ଘର ହୋଇଥିବାରୁ ପ୍ରବଳ ବର୍ଷାରେ ଘାର ଭାଙ୍ଗିଯାଇଥିବା ସ୍ଥାନୀୟ ଲୋକେ କହିଛନ୍ତି ।
ଇଟିଭି ଭାରତ, କଳାହାଣ୍ଡି