ଭବାନୀପାଟଣାରେ ହର ଘର ତିରଙ୍ଗା ଶୋଭାଯାତ୍ରା ଅନୁଷ୍ଠିତ - କଳାହାଣ୍ଡିରେ ହର ଘର ତିରଙ୍ଗା କାର୍ଯ୍ୟକ୍ରମ

ଭବାନୀପାଟଣା : ସାରା ଭାରତରେ ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଆଜାଦି କା ଅମୃତ ମହୋତ୍ସବ ପାଳନ ହେଉଛି । ଏହି କ୍ରମରେ କଳାହାଣ୍ଡି ଜିଲ୍ଲା ଭବାନୀପାଟଣା ମୁଖ୍ୟ ଡାକ ବିଭାଗ ଓ ସାଲୁଟ ତିରଙ୍ଗା ପକ୍ଷରୁ ହର ଘର ତିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଶୋଭାଯାତ୍ରାରେ ଛାତ୍ରଛାତ୍ରୀ, ଡାକ ବିଭାଗର କର୍ମକର୍ତ୍ତା ଓ ସାଲୁଟ ତ୍ରିରଙ୍ଗାର ସମସ୍ତ କର୍ମକର୍ତ୍ତା ସାମିଲ ହୋଇ ଜାତୀୟ ପତାକା ହାତରେ ଧରି ଶୋଭାଯାତ୍ରାରେ ବାହାରି ସହର ପରିକ୍ରମା କରିବା ପରେ ମୁଖ୍ୟ ଡାକ କାର୍ଯ୍ୟାଳୟରେ ପହଞ୍ଚିଥିଲେ । କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଡାକ ଅଧୀକ୍ଷକ ସଞ୍ଜୟ ବିଶ୍ୱାଳ, ସାଲୁଟ ତ୍ରିରଙ୍ଗା ରାଜ୍ୟ ସଭାପତି ଡ଼. ଶିବରାମ ନାୟକ ଯୋଗ ଦେଇଥିଲେ। ଇଟିଭି ଭାରତ, କଳାହାଣ୍ଡି