ତାମିଲନାଡୁରେ ମାଲବାହୀ ଟ୍ରେନ ଲାଇନଚ୍ୟୁତ,ରେଳ ଚଳାଚଳ ବାଧାପ୍ରାପ୍ତ
Published : Dec 11, 2023, 2:22 PM IST
ଚେନ୍ନାଇ:ତାମିଲନାଡୁରେ ଲାଇନଚ୍ୟୁତ ହେଲା ମାଲବାହୀ ଟ୍ରେନ । ରବିବାର ବିଳମ୍ବିତ ରାତିରେ ଚେଙ୍ଗଲପାଟ୍ଟୁ ନିକଟରେ ଏକ ମାଲବାହୀ ଟ୍ରେନ୍ ଲାଇନଚ୍ୟୁତ ହେବା ପରେ ରେଳ ଚଳାଚଳ ବାଧାପ୍ରାପ୍ତ ହୋଇଛି । ଚେନ୍ନାଇ ହାରବର୍ ଅଭିମୁଖେ ଯାଉଥିଲା ମାଲବହୀ ଟ୍ରେନ୍ ଲାଇନଚ୍ୟୁତ ହୋଇଥିଲା । ଟ୍ରେନର ପାଞ୍ଚରୁ ଅଧିକ ବଗି ଟ୍ରାକ ତଳକୁ ଚାଲି ଆସିଥିଲା । ଏନେଇ ଖବର ପାଇ ରେଳ ଅଧିକାରୀ ଘଟଣାସ୍ଥଳରେ ପହଞ୍ଚି ଟ୍ରାକ୍ କ୍ଲିଅର କରିବାକୁ ନିର୍ଦ୍ଦେଶ ଦେଇଥିଲେ । ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଦକ୍ଷିଣ ତାମିଲନାଡୁରୁ ଚେନ୍ନାଇ ପର୍ଯ୍ୟନ୍ତ ଟ୍ରେନ୍ ସେବା ସାମୟିକ ଭାବେ ବନ୍ଦ କରାଯାଇଛି । ଗତକାଲି ମୁମ୍ବାଇ ନିକଟରେ ଏକ ମାଲଗାଡିର ଏକାଧିକ ବଗି ଲାଇନଚ୍ୟୁତ ହୋଇଥିଲା । ମୁମ୍ବାଇ ଡିଭିଜନର ଡାଉନ୍ ମେନ-ଲାଇନରେ କାସାରାଠାରୁ ଟିଜିଆର-3 ମଧ୍ୟରେ ସଂଧ୍ୟା ସମୟରେ ଏହି ମାଲବାହୀ ଟ୍ରେନର ଏକାଧିକ ବଗି ଲାଇନଚ୍ୟୁତ ହୋଇଥିଲା ।
ଏହା ମଧ୍ୟ ପଢନ୍ତୁ-ମହାରାଷ୍ଟ୍ରରେ ମାଲଗାଡି ଲାଇନଚ୍ୟୁତ, ରେଳ ଚଳାଚଳ ଆଶିଂକ ପ୍ରଭାବିତ