ଗଣପତିଙ୍କ ଆବାହନ, ଉତ୍ସବମୁଖର ପୁରପଲ୍ଲୀ - କେନ୍ଦ୍ରାପଡ଼ାରେ ଗଣପତିଙ୍କ ଆବାହନ

କେନ୍ଦ୍ରାପଡ଼ା: ଅଗ୍ରପୂଜ୍ୟ ଗଣନାୟକଙ୍କ ପୂଜା ପାଇଁ ଆଜି କେନ୍ଦ୍ରାପଡ଼ା ଜିଲ୍ଲା ଚଳଚଞ୍ଚଳ । କୋଭିଡ ମହାମାରୀ କଟକଣା ପରେ ଆଜି ଦୀର୍ଘ ଦୁଇବର୍ଷ ପରେ ଏକାଠି ହୋଇ ବିଦ୍ୟାଦାତାଙ୍କ ପୂଜା କରୁଛନ୍ତି ବିଭିନ୍ନ ସରକାରୀ ବେସରକାରୀ ବିଦ୍ୟାଳୟର ଛାତ୍ରଛାତ୍ରୀଙ୍କ ସମେତ କ୍ଲବ ଗୁଡିକର ସଦସ୍ୟ । ଚଳିତବର୍ଷ କେନ୍ଦ୍ରାପଡ଼ା ଜିଲ୍ଲାର ୯ଟି ବ୍ଲକରେ ୨୫୦ରୁ ଉର୍ଦ୍ଧ୍ବ ସ୍ଥାନରେ ଶ୍ରୀ ଗଣେଶଙ୍କ ପୂଜା ପାଳିତ (ganesh puja celebration in kendrapara) ହେଉଥିବା ବେଳେ କେନ୍ଦ୍ରାପଡ଼ା ଓ ପଟ୍ଟାମୁଣ୍ଡାଇ ସହରର ୫୦ରୁ ଉର୍ଦ୍ଧ୍ବ କ୍ଲବରେ ପୂଜା ପାଇଛନ୍ତି ବିଘ୍ନ ବିନାଶକ। ଗତ ରାତିରୁ ପୂଜା ପାଇଁ ସମସ୍ତ ସାଜସଜ୍ଜା ଶେଷ ହୋଇଥିବା ବେଳେ ବିଦ୍ୟାଳୟ ଗୁଡିକରେ ଆଜି ସକାଳୁ ଆରମ୍ଭ ହୋଇଥିଲା ପୂଜା। ଦୁଇବର୍ଷ ପରେ କଟକଣା ବିନା ଅଗ୍ରପୂଜ୍ୟଙ୍କୁ ପୂଜା କରି କୃତାର୍ଥ ମଣିଛନ୍ତି ସଭିଏଁ । ଇଟିଭି ଭାରତ,କେନ୍ଦ୍ରାପଡ଼ା