Ganesh Chaturthi: ରାଉରକେଲାରେ ବିଭିନ୍ନ ସ୍କୁଲ୍‌ରେ ଗଣେଶ ପୂଜା ପାଳିତ - ରାଉରକେଲାରେ ଗଣେଶ ପୂଜା

ରାଉରକେଲା: ଆଜି ହେଉଛି ପବିତ୍ର ଗଣେଶ ଚତୁର୍ଥୀ । ସବୁଠି ଚାଲିଛି ବିଘ୍ନ ବିନାଶକଙ୍କ ପୂଜା ।  ବିଦ୍ୟାଦାତା ଶ୍ରୀ ଗଣେଶଙ୍କୁ ପୂଜାର୍ଚ୍ଚନା କରୁଛନ୍ତି ସମସ୍ତ ଛାତ୍ରଛାତ୍ରୀ । ଏହାରି ମଧ୍ୟରେ ରାଉରକେଲା ଉଦିତ୍‌ନଗର ହାଇସ୍କୁଲରେ ମହା ସମାରୋହରେ ପାଳନ କରାଯାଇଛି ଗଣେଶ ପୂଜା । ସମସ୍ତ ଛାତ୍ରଛାତ୍ରୀ ଏକାଠି ସ୍କୁଲକୁ ଆସି ନିଜର ଭବିଷ୍ୟତ ପାଇଁ ଆଶୀର୍ବାଦ ଭିକ୍ଷା କରି ପୂଜା ଅର୍ଚ୍ଚନା କରିଛନ୍ତି । ଭବିଷ୍ୟତରେ ଭଲ ବୁଦ୍ଧି ବିଦ୍ୟା ସହ ସମସ୍ତ ବାଧା ବିଘ୍ନ ହାରିବା ପାଇଁ ବିଘ୍ନନାଶକଙ୍କ ପାଖରେ ନତ ମସ୍ତକ ହୋଇଛନ୍ତି । ସକାଳୁ ବିଦ୍ୟାର୍ଥୀମାନେ ପାରମ୍ପରିକ ପୋଷାକ ପରିଧାନ କରି ଜ୍ଞାନ ଓ ବୁଦ୍ଧି ପାଇଁ ଭଗବାନ ଗଣେଶଙ୍କ ଦିବ୍ୟ ଆଶୀର୍ବାଦ କାମନା କରି ତାଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିବା ପାଇଁ ଏକତ୍ରିତ ହୋଇଥିଲେ ।  

ଏହା ମଧ୍ୟ ପଢନ୍ତୁ- Ganesh Chaturthi: ଦେଶବାସୀଙ୍କୁ ଶୁଭେଚ୍ଛା ଜଣାଇଲେ ରାଷ୍ଟ୍ରପତି-ପ୍ରଧାନମନ୍ତ୍ରୀ

ଇଟିିଭି ଭାରତ, ରାଉରକେଲା