ସର୍ଟସର୍କିଟରୁ ଜଳିଗଲା ଦୁଇଟି ଦୋକାନର କ୍ୟାବିନ - ପୁରୀ ଜିଲ୍ଲା ଚନ୍ଦନପୁର ବଜାର

ପୁରୀ : ସର୍ଟସର୍କିଟ ହୋଇ ଜଳିଗଲା ଦୁଇଟି ଦୋକାନର କ୍ୟାବିନ। ଏଭଳି ଘଟଣା ଘଟିଛି ପୁରୀ ଜିଲ୍ଲା ଚନ୍ଦନପୁର ବଜାରରେ। ସୂଚନା ଅନୁଯାୟୀ ଆଜି ସନ୍ଧ୍ୟା 7 ଟା 30 ମିନିଟ ସମୟରେ ଚନ୍ଦନପୁର ବଜାରରେ ଥିବା ବ୍ୟାଙ୍କ ଅଫ ଇଣ୍ଡିଆ ବ୍ୟାଙ୍କ ନିକଟରେ ଦୁଇଟି କ୍ୟାବିନରେ ହଠାତ୍ ନିଆଁ ଲାଗିଥିଲା। ଦେଖୁ ଦେଖୁ 2ଟି ଦୋକାନ କ୍ୟାବିନରେ ନିଆଁ ସମ୍ପୂର୍ଣ୍ଣ ଲାଗିଯାଇଥିଲା। ଏଥିରେ ସ୍ଥାନୀୟ ବାସିନ୍ଦା ମନୁ ଜେନାଙ୍କର ଟିଭି ଦୋକାନ ଜଳିଯିବା ସହ ପ୍ରସନ୍ନ ମହାପାତ୍ରଙ୍କ ଗ୍ୟାରେଜ ଜଳିଯାଇଛି। ତେବେ ସଟସର୍କିଟ ପାଇଁ ନିଆଁ ଲାଗିଥିବା ସନ୍ଦେହ କରାଯାଉଛି। ଏହି ଘଟଣାରେ କେହି ଆହତ ହୋଇ ନାହାଁନ୍ତି । ଇଟିଭି ଭାରତ, ପୁରୀ