ପୋଖରୀରେ ଗାଧୋଇବା ହେଲା କାଳ, ପାଣିରେ ବୁଡି ବାପ-ଝିଅ ମୃତ

ଢେଙ୍କାନାଳ:ପୋଖରୀରେ ବୁଡ଼ି ବାପ ଝିଅ ମୃତ । ଢେଙ୍କାନାଳ ଜିଲ୍ଲା ଗନ୍ଦିଆ ବ୍ଲକ୍ ଆମ୍ବାବାହଳି ଗାଁରେ ଅଭାବନୀୟ ଘଟଣା । ଖଙ୍କର ଗ୍ରାମ ପୋଖରୀକୁ ଗାଧୋଇବାକୁ ଯାଇଥିବା ବେଳେ ପୋଖରୀରେ ବୁଡି ଯାଇଥିଲେ । ମୃତକମାନେ ହେଲେ ୪୮ ବର୍ଷୀୟ ମହେଶ୍ଵର ନାଏକ ଓ ତାଙ୍କ ୮ ବର୍ଷର ଝିଅ ମନ୍ଦାକିନୀ ନାଏକ ବୋଲି ଜଣାପଡିଛି । ସୂଚନା ମୁତାବକ, ଗାଁ ପୋଖରୀକୁ ଗାଧୋଇଵାକୁ ଯାଇଥିବା ମନ୍ଦାକିନି ବୁଡିଯାଉଥିବାରୁ ଉଦ୍ଧାର କରିବାକୁ ଯାଇଥିଲେ ବାପା । ମାତ୍ର ର୍ଦୁଭାଗ୍ୟ ବଶତଃ ବାପା ମହେଶ୍ବର ନାୟକ ମଧ୍ୟ ପୋଖରୀରେ ବୁଡି ଯାଇଥିଲେ । ଖବର ପାଇ ଗଁନ୍ଦିଆ ଦମକଳ ବାହିନୀ ପହଞ୍ଚି ଉଭୟ ବାପ ଝିଅଙ୍କୁ ପୋଖରୀରୁ ଉଦ୍ଧାର କରି ଗଁନ୍ଦିଆ ସ୍ଥିତ ଶ୍ରୀରାମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଉଭୟଙ୍କ ମୃତଦେହ ବ୍ୟବଚ୍ଛେଦ ପାଇଁ ଢେଙ୍କାନାଳକୁ ସ୍ଥାନାନ୍ତର କରାଯାଇଛି । ଏହି ଘଟଣାରେ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।

    ଏହା ମଧ୍ୟ ପଢନ୍ତୁ- ସ୍ତ୍ରୀ ଆଗରେ ନଦୀରେ ବୁଡିଗଲା ସ୍ବାମୀ, ମୃତଦେହ ଉଦ୍ଧାର

ଇଟିଭି ଭାରତ , ଢେଙ୍କାନାଳ