Watch Video: ରାସ୍ତାରେ କୃଷକଙ୍କ ସହ ହଠାତ ଦେଖାହେଲେ ସନି ଦେୱଲ

ମୁମ୍ବାଇ: ସାଧାରଣତଃ ନିଜ ପ୍ରିୟ ଅଭିନେତା କିମ୍ବା ଅଭିନେତ୍ରୀ ସମ୍ମୁଖରେ ଦେଖିଲେ ପ୍ରଶଂସକମାନେ ବେଶ ଖୁସି ଅନୁଭବ କରିଥାନ୍ତି  । ସମାନ ଘଟଣା ଜଣେ କୃଷକଙ୍କ ସହ ଘଟିଛି  । ମହାରାଷ୍ଟ୍ରର ଅହମ୍ମଦନଗରରେ ଜଣେ କୃଷକ ଚାଷ କାମ ସାରି ଶଗଡ଼ ସାହାଯ୍ୟରେ ଘରକୁ ଫେରୁଥିଲେ  । ଏହି ସମୟରେ ବଲିଉଡ ଅଭିନେତା  ସନି ଦେୱଲ ତାଙ୍କ ସମ୍ମୁଖକୁ ଆସି ଶଗଡ଼ ଅଟକାଇବାକୁ  କହିଥିଲେ  । ଏହାପରେ କୃଷକଙ୍କ ସହ ସନି ଦେୱଲ ତାଙ୍କୁ କିପରି ଅଛନ୍ତି ବୋଲି ପ୍ରଶ୍ନ କରିଥିଲେ  । କୃଷକ ଜଣକ ତାଙ୍କୁ ପଚାରିଥିଲେ, "ଆପଣ ଅଭିନେତା ସନି ଦେୱଲଙ୍କ ପରି ଦେଖା ଯାଉଛନ୍ତି  ।" ଏହି କଥା ଶୁଣି ସନି ଦେୱଲ ହସିଥିଲେ ଏବଂ ତାଙ୍କର ସହ ହାତ ମିଳାଇଥିଲେ  । କୃଷକଙ୍କ ସହ ସେ କଥା ହେବା ସହ ଗାଁ ଅତି ସୁନ୍ଦର ବୋଲି କହିଥିଲେ  । ତେବେ କୃଷକ ଏବଂ ସନି ଦେୱଲଙ୍କ ଏହି ଭିଡ଼ିଓ ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି  ।