ଭାରତ-ନ୍ୟୁଜିଲାଣ୍ଡ ମହାଲଢେଇ, ବିଜୟ ନେଇ ଆଶା ବାନ୍ଧିଛନ୍ତି କ୍ରୀଡ଼ାପ୍ରେମୀ - ବିଶ୍ବକପ୍ ୨୦୨୩
Published : Nov 14, 2023, 7:48 PM IST
ରାଉରକେଲା: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବାକୁ ଥିବା ବିଶ୍ବକପ୍ ୨୦୨୩ ସେମିଫାଇନାଲ୍ ମ୍ୟାଚ୍କୁ ନେଇ କ୍ରିକେଟପ୍ରେମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ୨୦୧୯ ବିଶ୍ବକପ୍ରେ ନ୍ୟୁଜିଲାଣ୍ଡଠାରୁ ହାରି ସେମିଫାଇନାଲରୁ ବିଦାୟ ନେଇଥିଲା ଭାରତ । ତେଣୁ ଏଥର ବିଶ୍ବକପ୍ରେ ଏପର୍ଯ୍ୟନ୍ତ ଅପରାଜେୟ ଥିବା ଭାରତ ପାଇଁ ସେମି ଲଢ଼େଇ ବେଶ ଗୁରୁତ୍ବପୂର୍ଣ୍ଣ ହେବ । ଦଳର ପ୍ରଦର୍ଶନକୁ ବିଚାରକୁ ନେଇ ଏକ ଆକର୍ଷଣୀୟ ପ୍ରତିଯୋଗିତା ହେବାର ପୂର୍ବାନୁମାନ କରିଛନ୍ତି କ୍ରିକେଟ୍ପ୍ରେମୀ । ଏହି ଲଢ଼େଇରେ ଭାରତୀୟ କ୍ରିକେଟ୍ ଦଳ ବିଜୟୀ ହୋଇ ଫାଇନାଲ୍ରେ ପ୍ରବେଶ କରିବ ବୋଲି ମଧ୍ୟ ଆଶା ରଖିଛନ୍ତି ପ୍ରଶଂସକ । ଭାରତୀୟ ଦଳ ଏପର୍ଯ୍ୟନ୍ତ ତ୍ରୁଟିଶୂନ୍ୟ ପ୍ରଦର୍ଶନ ଜାରି ରଖିଥିବାବେଳେ ନ୍ୟୁଜିଲାଣ୍ଡ ମଧ୍ୟ ଭଲ ପ୍ରଦର୍ଶନ କରିଥିବାରୁ ସେମିଫାଇନାଲରେ ପ୍ରବେଶ କରିଛି । ସେପଟେ ଟୁର୍ଣ୍ଣାମେଣ୍ଟରେ ଏବେ ପର୍ଯ୍ୟନ୍ତ ସବୁଠାରୁ ଗୁରୁତ୍ବପୂର୍ଣ୍ଣ ଲଢ଼େଇକୁ ନେଇ କ୍ରିକେଟପ୍ରେମୀଙ୍କ ସହ ଅଧିକ ଆଲୋଚନା କରିଛନ୍ତି ଆମ ସୁନ୍ଦରଗଡ଼ ପ୍ରତିନିଧି ସ୍ମୃତିରଞ୍ଜନ ବେହେରା ।
ଇଟିଭି ଭାରତ, ରାଉରକେଲା