ରାସ୍ତା ଅବରୋଧ କଲେ ୨୩ ଟିକିଆ ହାତୀପଲ - କେନ୍ଦୁଝରରେ ହାତୀପଲ

କେନ୍ଦୁଝର: ସାଧାରଣ ମଣିଷ ନିଜ ସୁବିଧା ପାଇଁ ରାସ୍ତା ଅବରୋଧ କରିଥିବା ସମସ୍ତେ ଜାଣିଥିବେ । ଏହା ସହ ବେପାରୁଆ ଗାଡି ଚାଳନା ହୋଇ ରାସ୍ତା ଜାମ କଥା ମଧ୍ୟ କିଛି ନୂଆ ନୁହେଁ । କିନ୍ତୁ ରାସ୍ତା ପାର ହେବା ନେଇ ରାସ୍ତା ଅବରୋଧ କରିବା ଘଟଣା ନୂଆ ନିଶ୍ଚୟ । ଏହା ପୁଣି କରୁଛନ୍ତି ଖୋଦ ହାତୀପଲ । ଏଭଳି ଘଟଣା ଦେଖିବାକୁ ମିଳିଛି ଘଟଗାଁ ବ୍ଲକ ପିପିଳିଆ ନିକଟସ୍ଥ ଜାତୀୟ ରାଜପଥ ନଂ ୨୧୫ ଉପରେ । ଆଜି ପିପିଳିଆ ନିକଟରେ ଉକ୍ତ ହାତୀ ପଲ ରାସ୍ତା ପାର ହେଉଥିବା ଦେଖାଯାଇଥିଲା । ଏହି ହାତୀପଲ ରାସ୍ତା ପାର ହେବା ସମୟରେ କିଛି ସମୟ ରାସ୍ତା ଅବରୋଧ ହୋଇଥିଲା । ଏଥିଯୋଗୁଁ ରାସ୍ତାର ଉଭୟ ପାର୍ଶ୍ବରେ ବହୁ ସଂଖ୍ୟାରେ ଯାନବାହାନ ଅଟକି ରହିଥିଲା । ଏହାକୁ ଦେଖିବାକୁ ରାସ୍ତାର ଦୁଇ ପଟରେ ବହୁସଂଖ୍ୟାରେ ଲୋକଙ୍କର ଭିଡ ପରିଲକ୍ଷିତ ହୋଇଥିଲା । ଇଟିଭି ଭାରତ, କେନ୍ଦୁଝର